ပြည်နယ်၊ တိုင်းအချို့၌ လေပြင်း တိုက်ခတ်မှုကြောင့် ပျက်စီးဆုံးရှုံးမှု အချို့ ရှိခဲ့

ရှမ်းပြည်နယ် (တောင်ပိုင်း)၊ မန္တလေးတိုင်းနှင့် စစ်ကိုင်းတိုင်းအတွင်းရှိမြို့နယ် အချို့၌ မေ ၁၆ ရက် မွန်းလွဲပိုင်းတွင် လေပြင်း တိုက်ခတ်မှု ကြောင့် ပျက်စီးဆုံးရှုံးမှု အချို့ဖြစ်ပေါ်ခဲ့ကြောင်း သိရသည်။ ရှမ်းပြည်နယ် ( တောင်ပိုင်း) တောင်ကြီးမြို့နယ် ရွှေညောင်ကျေးရွာ အုပ်စု သံလွန် ကျေးရွာ၌ ညောင်ကိုင်း ကျိုးကျသဖြင့် မူလတန်းကျောင်း သွပ်မိုးများ ပေါက်ပြဲ ပျက်စီးခြင်း၊ မှန်တံခါးအချို့နှင့် တရုတ်ကပ်မှန်အချို့ ကွဲအက်ပျက်စီးခြင်းများ ဖြစ်ပေါ်ခဲ့ပြီး ပြောင်းမျိုးစေ့ ထုတ်လုပ်ရေး စက်ရုံရှိ အုတ်တံတိုင်း ၁၆ ခန်းပြိုလဲခြင်း ဖြစ်ပေါ်ခဲ့ကြောင်း ၊ ဖယ်ခုံမြို့ ဟိန်ဓမ္မရပ်ကွက်၊ အောင်ပန်း-လွိုင်ကော်ကားလမ်းနှင့် ကိုက် ၂၀ ခန့်အကွာရှိ သစ်ပင်ကြီးတစ်ပင် အမြစ်မှ ကျွတ်ထွက်ပြီး ဖုန်းကြိုးပေါ် ကျသဖြင့် ကွန်ကရစ် ဖုန်းတိုင်နှစ်တိုင် နှစ်ပိုင်းကျိုးသွားခဲ့ကြောင်း၊ တာဝန်ရှိသူများက ဖုန်းတိုင်နှစ်တိုင်ကို အမြန်ဆုံးအစားထိုး လဲလှယ်နိုင်ခဲ့သဖြင့် ဖုန်းဆက်သွယ်မှု ပြတ်တောက်ခဲ့ခြင်း မရှိကြောင်း သိရသည်။ ထို့အပြင် မန္တလေးတိုင်း ပုသိမ်ကြီးမြို့နယ် သုံးအိမ်ကျေးရွာအနီး၌ ပြင်ဦးလွင်- မန္တလေး ကားလမ်း လမ်းဘေးဝဲ၊ ယာရှိသစ်ပင်နှင့် သစ်ကိုင်းအချို့ ကျိုးကျ၍ လမ်းပိတ်ဆို့မှုရှိခဲ့ရာ အနီးပတ်ဝန်းကျင် ကျေးရွာနေ ပြည်သူများ လာရောက်ခုတ်ထွင် ရှင်းလင်းဖယ်ရှား ပေးခဲ့သဖြင့် ညနေ ၃ နာရီခွဲခန့်တွင် မော်တော်ယာဉ်များ ပြန်လည်မောင်းနှင် သွားလာနိုင်ခဲပြီ ဖြစ်ကြောင်း၊ စဥ့်ကူးမြို့နယ် ဟင်္သာဖိုကျေးရွာ၌ နေအိမ်အချို့ ပြိုလဲခြင်း၊ အမိုးများလွင့်ခြင်း ဖြစ်ပေါ်ခဲ့ကြောင်း၊ အိမ်ပြိုလဲမှုကြောင့် ဟင်္သာဖို ကျေးရွာနေ အမျိုးသမီးတစ်ဦး သေဆုံးပြီး အမျိုးသားကိုးဦး၊ အမျိုးသမီး ၁၁ ဦးဒဏ်ရာ ရရှိခဲ့ကြောင်း သိရသည်။ အလားတူ စစ်ကိုင်းတိုင်း ခန္တီးမြို့၌ မိုးသီးများ ကြွေကျခြင်း၊ မိုးကြိုးမုန်တိုင်းများ ကျရောက်ခြင်းကြောင့် အမျိုးသမီးတစ်ဦး သွေးလန့်ပြီး သေဆုံးခဲ့ကာ ထန်းပင်ကျိုးကျ ပိမိသူ အမျိုးသားတစ်ဦး နံရိုး ကျိုးသွားခဲ့ကြောင်း၊ မုံရွာမြို့ ဗိုလ်ချုပ်လမ်းရှိ စားသောက်ဆိုင်တစ်ဆိုင်အနီး သစ်ပင်တစ်ပင် အမြစ်မှ ကျွတ်၍ လဲကျခြင်း၊ သာစည်လမ်း သာစည် ဈေးအနီးတွင် သစ်ပင်တစ်ပင် လမ်းပေါ်သို့ ကျိုးကျခြင်းများ ဖြစ်ပေါ်ခဲ့သဖြင့် တာဝန်ရှိသူများက ဖယ်ရှား ရှင်းလင်း ခဲ့ကြောင်း သိရသည်။ ယခုကာလတွင် မိုးသက်လေပြင်းများ ကျရောက်ခြင်း၊ လေပြင်းများ တိုက်ခတ်ခြင်းများဖြစ်ပေါ်လေ့ရှိပြီး လေပြင်း တိုက်ခတ်မှုကြောင့် သစ်ပင်များပိခြင်း၊ ဓာတ်တိုင်များပိခြင်း၊ လျှပ်စစ်ဝါယာ ရှော့ဖြစ်ခြင်းများ ဖြစ်ပေါ်တတ်သဖြင့် သတိပြု သွားလာ နေထိုင်ကြရန် သက်ဆိုင်ရာက တိုက်တွန်း နှိုးဆော်ထားကြောင်း ၂၀၁၀ ခုနှစ်မေလ ၂၀ ရက်နေ့ထုတ် ကြေးမုံသတင်းစာတွင် ဖော်ပြထားပါသည်။