နေရာလို့ဆိုလိုက်တာနဲ့ နေထိုင်သည့်နေရာ၊ အလုပ်နေရာ၊ နားသည့်နေရာ၊ စသည်ဖြင့် အမျိုးမျိုးရှိကြပါတယ်။ ဒီလိုပဲ နေရာတွေကွာခြားမှုပေါ်မူတည်ပြီး လူတွေရဲ့ စိတ်ဓာတ်တွေ ခံယူချက်တွေကလည်း ကွာခြားသွားတတ်ပါတယ်။ ရောက်သည့်နေရာနဲ့ ရှိသင့်ရှိထိုက်သည့်စိတ်နေ စိတ်ထား၊ ခံယူချက်တွေမရှိတော့သည့်အခါ ပတ်ဝန်းကျင်နဲ့အဆင်မပြေဖြစ်ခါ ရည်မှန်းချက်ပျောက်ကြရပါတယ်။ ဒါ့ကြောင့် ရောက်သည့်နေရာနဲ့ ရှိရမည့်စိတ်နေစိတ်ထား၊ ခံယူချက်တို့ ကိုက်ညီဖို့အင်မတန်အရေးကြီးပါတယ်။
ဒီနေ့ ကျွန်တော်တို့နိုင်ငံမှာ ဖြစ်ပေါ်နေတဲ့အခြေအနေတွေဟာ နေရာပေါ်မူတည်ပြီးတော့ ဖြစ်နေတာတွေများပါတယ်။ နိုင်ငံရေးနယ်ပယ်မှာဆိုလျှင်လည်း နေရာလိုချင်ကြတယ်၊ စသည်ဖြင့် စွပ်စွဲမှုတွေကို တွေ့ရကြားရသလို၊ နေရာရအောင်လည်း လုပ်ကိုင် ဆောင်ရွက်လာကြတာလည်းတွေ့ရပါသည်။ လွှတ်တော်ထဲမှာ အမတ်နေရာဘယ်လောက်ရတယ်၊ နေရာဘယ်လောက်ရရင် ဘယ်လိုတွေဆောင်ရွက်လို့ရတယ် စတဲ့အချက်တွေဟာ နေရာတွေရဲ့ အရေးပါမှုကိုပြတယ်လို့ဆိုနိုင်ပါတယ်။
ဒီလိုဘဲ စည်းပွားရေးလောကမှာလည်း နေရာက အရေးပါလှပါတယ်။ နေရာအားဖြင့် အချက်အချာကြတယ်၊ လုပ်ကွက်ကောင်းတယ် စသည်ဖြင့် နေရာရဲ့အရေးပါမှုကိုပြတဲ့စကားရပ်တွေကို တွေ့နိုင်ပါသည်တယ်။ ယနေ့ ရင်းနှီးမြှပ်နှံမှုလောကကို ကိုင်အလှုပ်နိုင်ဆုံးဖြစ်နေတဲ့ အိမ်ခြံမြေတွေဆိုလည်း နေရာပေါ်လိုက်ပြီး ဈေးနှုန်းတွေပြောင်းလဲနေကြတာကို တွေ့နိုင်ပါတယ်။
အဲဒီလိုအရေးပါတဲ့ နေရာကို ထပ်မံခွဲခြားကြည့်မယ်ဆိုရင် အကြမ်းအားဖြင့် သက်ရှိနေရာနဲ့ သက်မဲ့နေရာဆိုပြီး ခွဲရမည်ထင်ပါတယ်။ သက်ရှိမှာဆိုရင် လူနေရာကို အဓိကပြောချင်ပါတယ်။ လူနေရာမှာမှ နေထိုင်သည့်နေရာ၊ အသက်မွေးဝမ်းကြောင်းအတွက် လုပ်ကိုင်သည့်နေရာ စသည်ဖြင့်ထပ်မံခွဲခြားရမည်ထင်ပါတယ်။ ဒီနှစ်ခုထဲကမှ လုပ်ကိုင်သည့်နေရာ အကြောင်းနှင့် ပတ်သက်ပြီး ပြောချင်ပါတယ်။
နေရာနဲ့ လူ၊ လူနဲ့နေရာ အံဝင်ခွင်ကြဖြစ်မှုသည် အောင်မြင်မှု၏ အဓိက အချက်လို့မြင်မိပါတယ်။ ဒီကိစ္စနဲ့ပတ်သက်ပြီးလည်း မြန်မာစကားပုံများစွာပါတယ်။ ယနေ့ ကျွန်တော်တို့နိုင်ငံရဲ့ နယ်ပယ်တွေမှာ နေရာမကျတာတွေ တော်တော်များများ တွေ့နေရပါတယ်။ လူမှန်နေရာမှန်ဖြစ်ရေးအတွက် နှစ်ပေါင်းများစွာကြာအောင် ပြည်သူတွေက ကြိုးစားခဲ့ကြပေမယ့် ယနေ့အချိန်ထိတိုင် လူမှန်နေရာမှန်အဖြစ်ကို ရာခိုင်နှုန်းပြည့်မရသေးတာ စိတ်မကောင်းစွာတွေ့နေရပါသေးတယ်။
လူမှန်နေရာမှန် ဖြစ်ပါမှ လုပ်ကိုင်ရသည့်အလုပ်ပေါ် အပြည့်အ၀ အာရုံစိုက်နိုင်မည်ဖြစ်သလို လျှင်မြန် လွယ်ကူစွာပြီးစီးအောင် လုပ်ကိုင်ဆောင်ရွက်နိုင်မှာဖြစ်ပါတယ်။ ကျွမ်းကျင်မှုမရှိဘဲ လုပ်ကိုင်ဆောင်ရွက်ရသည့်အခါ မလိုလားအပ်တဲ့အခြေအနေတွေ ဖြစ်ပေါ်လာတတတ်တာကြောင့် နယ်ပယ်အလိုက်ကျွမ်းကျင်သူတွေကို သက်ဆိုင်ရာနယ်ပယ်မှာ ခန့်ထားလုပ်ကိုင်စေရေးဟာလည်း အရေးပါလာပါတယ်။
ယနေ့ ကျွန်တော်တို့နိုင်ငံမှာ ဒေါက်တာဘွဲ့တွေ များလာတာကို သတိထားမိပါတယ်။ နယ်ပယ်တော်တော်များများမှာ ဒေါက်တာတွေတွေ့လာရတာ အားရှိစရာပင်။ သူတို့ရဲ့ အတွေ့အကြုံတွေ၊ အတွေးအခေါ်တွေ နဲ့ဘာသာရပ်ဆိုင်ရာလေ့လာတွေ့ရှိထားချက်တွေကို မှန်မှန်ကန်ကန်အသုံးပြုနိုင်မယ်ဆိုရင် အင်မတန်အကျိုးရှိမယ်ဆိုတာ ယုံကြည်ပါတယ်။ ယခင်နှစ်တွေက ပညာရှင်တွေဟာ နေရာမရခဲ့ပါဘူး။ ဒီလိုဘဲ နေရာမရခဲ့တဲ့အတွက် လုပ်ကိုင်ပေးခွင့်တွေလည်း မရရှိခဲ့ကြပါဘူး။ ဒီအခါမှာ သူတို့ သိထားတဲ့အသိတွေကို ပြန်လည်အသုံးချခွင့်၊ မျှဝေခွင့်တွေ ဆုံးရှုံးခဲ့ကြရပါတယ်။ ယခုခေတ်မှာတော့ ပညာရှင်တွေလည်း နေရာရလာသလို သူတို့ရဲ့ အကြံဥာဏ်တွေကိုလည်း သက်ဆိုင်ရာနယ်ပယ်တွေမှာ အသုံးပြုလာကြပြီဖြစ်ပါတယ်။
ဒီလိုအချိန်မှာ အရေးကြီးလာတာက နေရာနဲ့လိုက်တဲ့ စိတ်အဆင့်အတန်းဖြစ်ပါတယ်။ စိတ်အဆင့်အတန်းမြင့်ပါမှ သူတို့၏ ပြုမူပြောဆိုပုံ၊ လုပ်ကိုင်ဆောင်ရွက်ပုံတွေဟာ သမာသမတ်ကြမည်ထင်ပါတယ်။ အသက်ငယ်ငယ်နဲ့ လူကြီးတစ်ယောက်ရဲ့တာဝန်တွေ ယူထားရတဲ့သူကို လူငယ်ကြီးလို့ခေါ်နိုင်ပြီး၊ အသက်ကြီးပေမယ့် လူငယ်တစ်ယောက်ရဲ့ အပြုအမူတွေ ပြုမူနေရင်တော့ လူကြီးလေးဟုခေါ်ဆိုရမည်ထင်ပါတယ်။ အရေးကြီးဆုံးက လူတိုင်းဟာ မိမိရောက်ရှိနေတဲ့ နေရာ၊ ရာထူးနဲ့ လိုက်ဖက်တဲ့ စိတ်အဆင့်အတန်းရှိဖို့လိုအပ်ပါတယ်။
အဲလိုမှမဟုတ်ရင် အတ္တတွေပါလိမ့်မယ်။ အဲဒီလိုပါလာခဲ့ရင် လုပ်ငန်းခွင်မှာ ကိုယ်လုပ်ကိုင်နေရတဲ့ လုပ်ငန်းပြီးစီးအောင်မြင်ဖို့ထက် ငါ့အတွက်၊ ငါ့နေရာအတွက်၊ ငါ့မိသားစုအတွက် ဆိုတဲ့စိတ်တွေဖုံးလွှမ်းလာပြီး ဆက်ဆံရေးမှာလည်း အဆင်မပြေဖြစ်ရပါလိမ့်မယ်။ လူတိုင်းမှာ လုပ်ရည်ကိုင်ရည် ကောင်းတွေရှိတတ်ကြပါတယ်။ ငါ့အောက်ကမို့ ငါ့လောက်မတော်ဘူး၊ ငါ့လောက်မသိဘူး၊ ငါလောက်မကောင်းဘူးဟုသည့် နေရာကိုအစွဲပြုပြီးဖြစ်လာတဲ့ အယူမှားစိတ်တွေကြီးမားလာတဲ့အခါ မူရင်းပန်းတိုင်ပျောက်ရပါလိမ့်မယ်။ ငါလုပ်မှပြီးမယ်၊ ငါပဲသိတယ် စတဲ့အစွဲတွေကိုကျော်လွန်ဖို့ ဆိုရင် စိတ်အဆင့်အတန်းမြင့်ဖို့လိုတယ်လို့ ထင်ပါတယ်။
အလုပ်တစ်ခုလုပ်ကိုင်ဆောင်ရွက်တဲ့အခါ ကိုယ့်အောက်ကလူရဲ့ အတွေးအခေါ်အယူအဆက ကိုယ့်ထက်ကောင်းချင်ကောင်းနေတတ်ပါတယ်။ ဒီအခါမျိုးမှာ အမှန်တရားကို အလွယ်တကူလက်မခံချင်တဲ့စိတ်ဟာ နေရာပေါ်မှာ ယစ်မူးနေတဲ့ ဘ၀င်စိတ်ကြောင့်ဖြစ်ပါတယ်။ အဓိက ရည်မှန်းချက်ဟာ အလုပ်တစ်ခု ကောင်းမွန်စွာနဲ့ ပြီးစီးအောင်ဆောင်ရွက်နိုင်ဖို့ဖြစ်ပါတယ်။ ငါ့လုပ်ပိုင်ခွင့်အရ ငါ့ကိုကျော်လို့မရဘူးဆိုတာသိအောင် ဒါလေးတော့ ကလန့်ထားလိုက်အုံးမယ်ဆိုတဲ့ အတွေးမျိုးနဲ့တော့ ပတ်ဝန်းကျင်ကောင်းတစ်ခုကို မဖန်တီးနိုင်ဘူးလို့ထင်ပါတယ်။
ယနေ့ ပြုပြင်ပြောင်းလဲမှုပေါင်းများစွာ ပြုလုပ်နေတဲ့ ကျွန်တော်တို့နိုင်ငံမှာ နိုင်ငံ့ဝန်ထမ်းအချို့ဟာ နေရာပေါ်မှာသာယာတဲ့စိတ်ကြောင့် မထားသင့်၊ မာထားအပ်တဲ့ ဘ၀င်လေးတွေ ထားနေသေးတာတွေ့ရပါတယ်။ ပြုပြင်ပြောင်းလဲရေးမှာ ကိုယ်တိုင်ကိုယ်ကျ ပါချင်တယ်ဆိုရင် ကိုယ့်မှာရှိနေတဲ့ လုပ်ပိုင်ခွင့်နေရာပေါ်မှာ အခြေခံပြီးဖြစ်လာတဲ့ အတ္တစိတ်တွေကို ဖယ်ထုတ်ဖို့ကြိုးစားကြရမယ်လို့ထင်ပါတယ်။ လုပ်ငန်းတစ်ခုအောင်မြင်ပြီးမြောက်ဖို့အတွက် အတူတကွပူးပေါင်းလုပ်ကိုင်မှသာလျှင် အောင်မြင်မှာဖြစ်ပါတယ်။
နေ့စဉ်နဲ့အမျှ ပြောင်းလဲတိုးတက်နေတဲ့ နည်းပညာခေတ်ကြီးမှာ တစ်ဦးကောင်းတစ်ယောက်ကောင်းနဲ့ အရာရာကိုပြီးစီးအောင်မြင်အောင် ဆောင်ရွက်နိုင်ဖို့ မဖြစ်နိုင်တော့တာကိုကို သဘောပေါက်ဖို့လိုပါတယ်။ အရင်က မော်တော်ကားဆိုလျှင် စက်မှုအင်ဂျင်နီယာတွေနဲ့သာဆိုင်တယ်လို့ ဆိုခဲ့ကြပါတယ်။ ဒါပေမယ့် ယခုခေတ်မော်တော်ကားတွေမှာ စက်ပိုင်းဆိုင်ရာတွေအပြင်၊ ထိန်းချုပ်မှုစနစ်၊ အိုင်တီနည်းပညာ စတာတွေပါ ပါဝင်လာပါတယ်။ ဒီအခါ ကားတစ်စီးပျက်ခဲ့လျှင် စက်ပိုင်းဆိုင်ရာ ကျွမ်းကျင်တစ်ဦးတစ် ပြင်ရုံဖြင့်မရနိုင်တော့တာ အားလုံးသိပြီးဖြစ်မှာပါ။ အဲဒီလိုပဲ ယနေ့ခေတ်ရဲ့ နယ်ပယ်အသီးသီးမှာ integration နဲ့သွားနေကြပါပြီ။
ယနေ့ မြန်မာ့နိုင်ငံရေး အပြောင်းအလဲမှာလည်း အစိုးရတစ်ခုတည်းကောင်းရုံ၊ လုပ်ရုံနဲ့ မဖြစ်တော့ပါဘူး။ ပြည်သူတွေပါ ကောင်းမှ၊လုပ်မျှ မိမိတို့လိုချင်တဲ့ ပန်းတိုင်ကိုလွယ်လင့်တကူရောက်ရှိမှာဖြစ်ပါတယ်။ ဒါ့ကြောင့် ပူးပေါင်းဆောင်ရွက်မှုဟာအင်မတန် အရေးပါလာပါတယ်။ ဒီလို ပူးပေါင်းဆောင်ရွက်ဖို့ဆိုရင်သူ့ဆန္ဒ၊ ကိုယ့်ဆန္ဒ တွေရှိလာပါတော့မယ်။ ဒီအခါ နေရာနဲ့လိုက်ဖက်တဲ့ စိတ်အဆင့်အတန်းတွေမရှိခဲ့ဘူးဆိုလျှင် ခင်ဗျားတို့ ကျွန်တော်တို့ မျှော်လင့်နေတဲ့ ဒီမိုကရေစီနိုင်ငံနဲ့ ဝေးနေဦးမယ်လို့ ထင်ပါတယ်။ ခံယူချက်တွေ၊ သဘောထားတွေဟာလည်း မိမိရဲ့နေရာနဲ့ စိတ်အဆင့်အတန်းပေါ်မူတည်ပြီး ဖြစ်ပေါ်လာကြတာမို့ မှန်ကန်သင့်လျော်တဲ့ စိတ်အဆင့်အတန်းတွေရှိဖို့ လိုအပ်ပါတယ်။
ယနေ့ ကျွန်တော်တို့နိုင်ငံ နယ်ပယ်အသီးသီးမှာ ပြုပြင်ပြောင်းလဲရေးတွေကို ပြုလုပ်နေကြပါတယ်။ အရင်က မမျှော်လင့်ရဲခဲ့ကြတဲ့ အပစ်အခက်ရပ်စဲရေး၊ ပညာရေးစနစ်ပြုပြင်ပြောင်းလဲရေး၊ ကျန်းမာရေးစောင့်ရှောက်မှုစနစ်ပြောင်းလဲရေး စတဲ့အရေးကြီးတဲ့ အချက်တွေကို အားကြိုးမာန်တက် လုပ်ဆောင်နေကြချိန်ဖြစ်ပါတယ်။ ဒီလိုအချိန်မှာ လူတိုင်းတော့ ဒီလုပ်ငန်းစဉ်တွေမှာကျေနပ်နေကြတာ မဟုတ်ကြောင်းကိုတလောလေးက ဖြစ်ခဲ့တဲ့ ဗုံးပေါက်ကွဲမှုတွေက သက်သေခံနေပါတယ်။ ဘယ်လိုပဲဖြစ်ဖြစ် တရားခြင်းနဲ့ မတရာခြင်းပြိုင်ဆိုင်တဲ့အခါ တရားခြင်းကသာ အနိုင်ရစမြဲပါ။ ဒါ့ကြောင့် ယနေ့ နိုင်ငံရဲ့ ဒီမိုကရေစီဖော်ဆောင်ရေးမှာ အမှန်တကယ် ပြုပြင်ပြောင်းလဲနေသူတွေရှိသလို နေရာပေါ်မှာ ယစ်မူးပြီး နေရာနဲ့လိုက်ဖက်တဲ့ စိတ်အဆင့်အတန်း မထားနိုင်သေးတဲ့လူတချို့လည်း ရှိနေပါသေးတယ်။ ပြည်သူအားလုံး ပျော်ရွှင်ကြည်နူးဖို့အတွက် လိုအပ်နေတဲ့ ဒီမိုကရေစီနိုင်ငံတော်သစ်ဖော်ဆောင်ရေးကြိုးပမ်းရာမှာ နေရာနဲ့လိုက်ဖက်တဲ့ စိတ်အဆင့်အတန်း ထားရှိနိုင်တဲ့သူတွေ ပေါ်ပါစေလို့ ဆန္ဒပြုရင်း……..။
ဖြိုးဝေမြင့်(စက်မှုအင်ဂျင်နီယာ)
