တစ်ဖန် .. အောက်တိုဘာလ ၂၄ ရက်နေ့ထုတ် ကြေးမုံသတင်းစာတွင် – တောင်တွင်းကြီးမြို့နယ်၊ ငမင်ကျေးရွာ အရှေ့ဘက် ၁၂ မိုင်ခန့်အကွာ တောင်သူဦးမြစိန်၏ မြေကွက်အတွင်း အောက်တိုဘာ ၇ ရက် ည ၁၂ နာရီမှ အောက်တိုဘာ ၈ ရက် နံနက် ၅ နာရီအတွင်း ယာမြေကွက်အတွင်းမှ အကျယ် ပေ ၁ဝဝ၊ အရှည်ပေ ၅ဝဝ၊ အမြင့် ပေ ၃ဝ ခန့် မြင့်တက်လာခဲ့ကြောင်း ထပ်မံသိရပါသည်။
ဤဖြစ်စဉ်မှာ ပုံမှန်မဟုတ်သည့် ဖြစ်စဉ်တစ်ခု အဖြစ် ယူဆနိုင်ပြီး တည်နေရာအား လေ့လာခဲ့ရာ ၂ဝဝ၃ ခုနှစ် တောင်တွင်းကြီး ငလျှင် လှုပ်သည့် ငလျှင် ဗဟိုချက်မှ အရှေ့မြောက်ဘက် ၁၄ မိုင်ခန့်၊ တောင်ညိုမြို့ အနောက်မြောက်ဘက် ၁ဝ မိုင် ကျော်ခန့်၊ နေပြည်တော်လေဆိပ် အနောက်မြောက်ဘက် မိုင် ၄ဝ ခန့်တွင် ဖြစ်ပွားခြင်း ဖြစ်ကြောင်း တွေ့ရှိရပါသည်။
မိုးမကျမီကာလအတွင်းက -
ပဲခူးရိုးမတောင်ပေါ်၊ ဝါးကတုတ်တမံ အနီး – အမြန်လမ်းမကြီးပေါ်တွင် ကြွက်ဝမ်းဖြူများ အုပ်လိုက်ထွက်လာကာ နေရာပြောင်းကြသည်ဟု ယူဆရသော ဖြစ်စဉ်ဖြစ်ပွားခဲ့သည်ကို မှတ်မိကြမည်ထင်ပါသည်။ ထိုသို့သော ထူးဆန်းပြီး ဖြစ်နေကျမဟုတ်၊ ဖြစ်လေ့ဖြစ်ထ မဟုတ်သည့် ဖြစ်စဉ်များကြောင့် ယခု ၂ဝ၁၁ ခုနှစ် မြန်မာနိုင်ငံ အရပ်ရပ်တွင် မိုးသည်းထန်ပြီး ရေကြီးခြင်းများဖြစ်ခဲ့ပါသလော? ၂ဝ၁ဝ ခုနှစ်အတွင်းက ဖြစ်ပေါ်ခဲ့သည့် လာနီညာ ရာသီဥတုဖြစ်စဉ်ကြောင့် မိုးများပြီး ရေကြီးရသည်လော? စသည့် မေးခွန်းများအပြင် …. အောက်ပါ ပဟေဠိမေးခွန်းများကို သိရှိနားလည်သူ – ပညာရှင်ကြီးများမှ သုံးသပ်ဖြေကြားပေးနိုင်ပါလျှင် …
- ယခင် ၂ဝဝ၃ ခုနှစ်က တောင်တွင်းကြီး ငလျှင်လှုပ်ခဲ့ချိန်မတိုင်မီ၊ လှုပ်အပြီး ဤသို့သော ဖြစ်စဉ်များ ပေါ်ပေါက်ခဲ့ခြင်း ရှိဖူးပါသလား?
- မြန်မာနိုင်ငံတစ်ဝှမ်း အခြားနေရာများတွင်လည်း ယခုလိုဖြစ်စဉ်မျိုး ဖြစ်ခဲ့ဖူးတာ ရှိပါသလား?
- ရှိခဲ့လျှင် ဘယ်အချိန်က ဘယ်နေရာမှာ ဖြစ်ခဲ့ဖူးပါသနည်း?
- ယခု ဖြစ်စဉ်ကြောင့် မည်သည့် အကျိုးဆက်များ ဖြစ်ပေါ်လာနိုင်ပါသနည်း?
- ယခုဖြစ်စဉ်သည် အောက်တိုဘာ ၂၉ ရက်နေ့၌ ကြာသပတေးဂြိုလ် ကမ္ဘာမြေအနီးရောက်လာမည့် အခြေအနေကြောင့်ဟု ယူဆပါသလား?
ဂရင်းနတ်ဝေါ့မှ.
.jpg)
0 comments:
Post a Comment