ရာသီဥတုပူပြင်းခြင်းနှင့်အတူ
ရေသုံးစွဲရမှုလျော့နည်းလာခြင်းကြောင့် မန္တလေးမြို့နှင့် အနီးပတ်ဝန်းကျင်ရှိ
ချောင်း၊ မြောင်း၊ အင်းကန်များတွင် အ၀တ်လျော်၊ ရေချိုးစသည့်ကိစ္စများကို
နေရိပ်ခိုအနားယူရင်း ဆောင်ရွက်ကြမှု များပြားလာကြောင်း တွေ့ရှိရ သည်။
ယခုနှစ်နွေရာသီအတွင်း မတ်လမှစ၍ အပူချိန်များပြင်းထန်လျက်ရှိရာ
နေ့စဉ်ပျမ်းမျအပူချိန် ၄၀ ဒီဂရီစင်တီဂရိတ်မှ ၄၄
ဒီဂရီစင်တီဂရိတ်အတွင်းရှိသော မန္တလေးမြို့၌ အပူဒဏ်ကို ရှောင်တိမ်းသည့်
အနေဖြင့် မန္တလေးနှင့်ဝန်းကျင်ရှိ သစ်ရိပ် ၀ါးရိပ်ကောင်းသောချောင်း၊
မြောင်း၊ အင်းကန်များ၌ အနားယူကြမှု များပြားလာကြောင်း တွေ့ရှိရသည်။"ဒီနှစ် နွေကသိသိသာသာပူတယ်ဗျ။ အရင်ကမြို့ထဲမှာကို ကုက္ကိုပင်ကြီးတွေ၊မန်းကျည်းပင်ကြီးတွေ၊ထနောင်းပင်ကြီးတွေရှိလို့ အရိပ်ရတယ်။ အခု အများစုက အလှစိုက် တည်ပင်တွေပဲဖြစ်သွားပြီ။ပူမှန်းပိုသိသာလာတာပေါ့ဗျာ။ လျှပ်စစ်မီးအခက်အခဲကြောင့် အဲယားကွန်းလည်းမသုံးနိုင်၊ ရေစက်လည်းမမောင်းနိုင်တော့ အချို့ရက်တွေဆို မနက်လင်းကတည်းက မိသားစုလိုက်ပုသိမ်ကြီးက ချောင်းမ ကြီးလို၊ဆည်တော်လေးလို၊ရေနီမြောင်းလို၊တောင်သမန်အင်းလို နေရာတွေမှာ အရိပ်ခိုပြီးရေချိုးအ၀တ်လျော်ကြရတာပါပဲ"ဟု အောင်နန်းရိပ်သာရပ်ကွက် မန္တလေးမြို့ခံတစ်ဦးက ဆိုသည်။
နန်းရှေ့ ရေနီမြောင်းတစ်လျောက် တွင်လည်း နံနက်စောစောတွင် မြို့တွင်းမှကားများ၊ ဆိုင်ကယ်များဖြင့် လာရောက်၍ ရေချိုးအ၀တ်လျော်သူများ၊ညနေနေ၀င်ချိန်၌လည်း အလုပ်သိမ်းပြန်ရင်း ရေချိုးအ၀တ်လျော်သူများနှင့်များပြားလာပြီး ရန်ကင်းတောင်အရှေ့ဘက် နည်းပညာတက္ကသိုလ်အနီး မြောင်းမကြီးတွင် ကုက္ကိုပင်၊ထနောင်းပင်၊လက်ပံပင်အရိပ်ကြီးများအောက် မိသားစုလိုက်လာရောက်ကာ အနားယူရေချိုး၊ အ၀တ်လျော်ကြကြောင်း တွေ့ရှိရသည်။
source။။11joul
0 comments:
Post a Comment