Thursday, March 21, 2013

ဖိုးလပြည့် သို့မဟုတ် တရား ဥပဒေအထက်က လူသားလား

Wednesday, March 20, 2013

ဒီရက်ပိုင်း အင်တာနက်မှာ ပျံ့နှံ့နေတဲ့ လူအများစိတ်ဝင်တစား ရှိတဲ့ သတင်းတပုဒ်ကတော့ လူထု ပုံရိပ် ဂျာနယ် အတွဲ ၁ ၊ အမှတ် ၂၆ မှာ မတ်လ ၁၈ ရက်နေ့က ရေးသား ဖော်ပြထားတဲ့ သတင်းတပုဒ်ပါ။

ဒါကတော့ လွန်ခဲ့တဲ့ မတ်လ ၁၄ ရက်နေ့က ရန်ကုန်တိုင်း ကမာရွတ် မြို့နယ် ၉ ရပ်ကွက်၊ အင်းလျားလမ်း မီးပွိုင့်မှာ ဖြစ်ခဲ့တဲ့ တပ်ချုပ်ကြီး ဗိုလ်ချုပ်မှူးကြီးဟောင်း ဦးသန်းရွှေရဲ့ မြေးဖြစ်သူ ဖိုးလပြည့် ဆိုတဲ့သူက ယာဉ်ထိန်းရဲတဦး ကို ရိုက်နှက်မှု လုပ်ခဲ့တာလို့ ဆိုတယ်။

အဆိုပါနေ့က ဖိုးလပြည့် မောင်းလာတဲ့ မာ့ခ် တူး အမျိုးအစား ၉ဂ/ ၉၉၁၄ ငွေမင်ရောင်ကားဟာ အင်းလျား လမ်း မီး ပွိုင့်မှာ တာဝန်ထမ်းဆောင်နေတဲ့ ယာဉ်ထိန်းရဲကို လမ်းရှင်းခိုင်းလို့ မီးနီနေခိုက် ယာဉ်ထိန်း ရဲတပ်သားလေး က မီးစီမ်း ပြပေးခဲ့ပါတယ်တဲ့။

ဒါပေမယ့် မီးပွိုင့်ကို ဖိုးလပြည့်ရဲ့ကား ဖြတ်သန်းနေစဉ်အခိုက် မီးဝါသွားလို့ ကားပြန်လှည့်ပြီး ယာဉ်ထိန်းရဲ ကို လက်သီး နဲ့ ၀ိုင်းထိုးခဲ့ပါသေးတယ်တဲ့။

ဒါနဲ့ မပြီးသေးပါဘူး။ တချိန်က စစ်အာဏာရှင်ကြီး ဗိုလ်ချုပ်မှူးကြီး ရဲ့ မြေးဟာ ဗိုလ်မှူးတဦးဆိုသူနဲ့ပါ ယာဉ်ထိန်းရဲကို ခေါ်ခိုင်းပြီး ကမ္ဘာအေး ဘုရားလမ်းက နေအိမ်တခု ဧည့်ခန်းမှာ ယာဉ်ထိန်းရဲတပ်သား ကို ရေနဲ့ပက်၊ ဒူးထောက်ခိုင်း ပြီး ပါးရိုက်တာတွေလည်း လုပ်ခဲ့တယ်လို့ ဆိုပြန်တယ်။

ပါးရိုက်ခံလိုက်ရတယ်ဆိုတဲ့ ယာဉ်ထိန်းရဲတပ်သား စံသိန်းထွေးကတော့ ဖြစ်စဉ် က အမှန်ပါဘဲတဲ့။ ဒါပေမယ့် သူ့ အလုပ်ကို ဆက်လုပ်ပြီး အန္တရာယ် ကင်းဖို့ပဲ စဉ်းစားပြီး အထက်ကို တိုင်တာ တင်ပြတာမျိုး မလုပ်ပါဘူးဆိုတာကို လူထုပုံရိပ်ဂျာနယ်ကို ပြောဆိုထားပါတယ်။

ဒီသတင်းကိုလည်း နေပြည်တော် ရဲချုပ်ရုံးက ရထားပေမယ့် ယာဉ်ထိန်းရဲရုံးကနေ ဘာအစီရင်ခံစာ၊ ဘာတိုင်စာမှ မရ ထားလို့ အရေးယူဆောင်ရွက်စရာ မရှိဘူးလို့ ရဲချုပ်ရုံးက တာဝန်ရှိသူတဦးကို ကိုးကားပြီး လူထု ပုံရိပ်က ဖော်ပြထားပါ သေးတယ်။

အဲဒီမှာ တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီ အတွင်းရေးမှူး ဦးဝင်းမြင့်က မှတ်ချက်ပေး ထားတာ ကိုလည်း ဖော်ပြထားပါတယ်။

ဦးဝင်းမြင့်ကတော့ ကော်မတီရဲ့ မူအရ “ဥပဒေ အထက်မှာ ဘယ်သူမှ မရှိစေရပါဘူး”တဲ့။

တရားဥပဒေ စိုးမိုးရေးအတွက် အဓိက မဏ္ဍိုင်အဖြစ် အချိန်နဲ့ တပြေးညီ ဖော်ပြပေးနေပါတယ်ဆိုတဲ့
မြန်မာနိုင်ငံ ရဲတပ်ဖွဲ့ရဲ့ အင်တာနက် စာမျက်နှာမှာလည်း ဗိုလ်ချုပ်မှူးကြီး မြေးဖြစ်သူ
နေရွှေသွေးအောင် ခေါ် ဖိုးလပြည့်က ယာဉ်ထိန်းရဲတပ်သားလေး စံသိန်းထွေးကို ပါးရိုက် လိုက်တဲ့ ကိစ္စနဲ့ ပတ်သက်ပြီး ဖော်ပြမလာတာက ထူးဆန်းနေပြန်ပါတယ်။

တချိန်က ရုပ်ရှင်၊ ကြော်ငြာ သရုပ်ဆောင် ထက်ထက်မိုးဦးရဲ့ ပါးရိုက်တဲ့ အမှုဖြစ်စဉ်တုန်းကတော့လျော်
ကြေး ငွေ ကျပ် ၁၀၀၀ နဲ့ နာမည်ကြီးခဲ့ပါသေးတယ်။

မကြာသေးမီက တာချီလိတ်မှာ ပါးရိုက်တဲ့ ဖြစ်စဉ် မှာတော့ တပ်ရင်းမှူးတဦး သေနတ်နဲ့ ပစ်သတ်ခံခဲ့ရပါ တယ်။

အခုတော့ ဗိုလ်ချုပ်မှူးကြီးရဲ့ မြေးဖြစ်သူ ဖိုးလပြည့်ရဲ့ ပါးရိုက်မှုကိစ္စ ကာယကံရှင် ယာဉ်ထိန်းရဲ တပ်သား စံသိန်းထွေး ဆိုသူက အမှုလုပ်မတိုင်ကြားရဲတဲ့အဖြစ်နဲ့ ကြုံနေရတယ်။

ဒီတော့ တရားဥပဒေ စိုးမိုးရေး ဆိုတာဟာ မေးခွန်း ထုတ်စရာဖြစ်နေပါတယ်။ မြန်မာနိုင်ငံ ဒီမိုကရေစီ အစိုးရလို့ ကြွေးကြော်နေချိန်မှာ အစိုးရ ၀န်ထမ်းငယ်လေး တဦးအတွက်တောင် တရားဥပဒေ ဆိုတာက အကာအကွယ်မပေးနိုင်တဲ့ အခြေအနေ ဆိုက်နေတာ အံ့သြစရာပါ။

ဒီမိုကရေစီ အသွင်ကူးပြောင်းရေး လုပ်နေတယ်ဆိုတဲ့ စစ်ဗိုလ်ချုပ် တဖြစ်လဲ အရပ်သား ဦးသိန်းစိန် အစိုးရ လက် ထက်မှာ ဒီကိစ္စဟာ စိန်ခေါ်မှု တခုအဖြစ် စိတ်ဝင်စားစရာ ကောင်းတဲ့ သတင်းတခုပါ။

ဒီသတင်းနဲ့ပတ်သက်ပြီး အင်တာနက်လောကမှာ ဝေဖန်သူတွေက အမျိုးမျိုး မှတ်ချက်ပေးပါတယ်။

စိတ်ဝင်စားစရာ မှတ်ချက်တွေထဲက တခုကတော့…..

“ဖိုးလပြည့် တန်ခိုးကြောင့် မတိုင်လို”ပါတဲ့ ။

စဉ်းစားစရာက ဖိုးလပြည့်ဆိုသူက တန်ခိုး ရှိနေတာလား၊ ဒါမှ မဟုတ် ဗိုလ်ချုပ်မှူးကြီးသန်းရွှေက တန်ခိုး ရှိနေတာလား ဆိုတာပါဘဲ။

သမ္မတရုံး ၀န်ကြီး ဦးစိုးသိန်းက မကြာသေးခင်က ပြောခဲ့တာ သတိရနေပါတယ်။

“မြန်မာနိုင်ငံတွင်းမှာ အခွင့်ထူးခံ လူတန်းစားဆိုတာကို လုံးဝမထားဘူး။ ဒီမိုကရေစီခေတ်မှာ အခွင့်ထူးခံ လူတန်းစား ဆိုတာ ရှိမှာ မဟုတ်ဘူး။ လူကြီးသားသမီးလည်း အပြစ်လုပ်ရင် အရေးယူမှာပဲ။ နိုင်ငံတော် အနေနဲ့ ဘယ်သူ့ရဲ့ မျက နှာကိုမှ ကြည့်နေမှာ မဟုတ်ဘဲ ထိုက်သင့်တဲ့ အပြစ်ဒဏ်ကို ပေးမှာပဲ” လို့ သမ္မတရုံး ဦးစိုးသိန်းက ပြောထားပါတယ်။

ဒါကြောင့် လွှတ်တော်ကြီးမှာ နာမညကြီးနေတဲ့ ပရော်ဖက်ဆာ ဒေါက်တာဆိတ်ဖွားလေသံလေးနဲ့ ပြောရရင် ဖိုးလပြည့် ဆိုသူက ဥပဒေ အထက်က လူသားများလား လို့ မေးခွန်း ထုတ်မိပါတယ်။


လင်းသန့် ~


ဖိုးလပြည့် ခေါ် နေရွှေသွေးအောင် ( အကီင်္ျ အဖြူလက်ရှည် ၀တ်ထားသူ) ၊ ဓာတ်ပုံ- မိုးမခ

Re-Post By ACM 20-3-2013
အေးချမ်းမွန် Credit & Copy From >>ဧရာဝတီ <<
.