ဂဏန်းတွေထည့်ထားတဲ့ခြင်းကို အဖုံးအုပ်ထားစရာ မလိုဘူးတဲ့ ။ တစ်ကောင်က အပေါ်တက်မယ်ကြံတာနဲ့  ကျန်တဲ့အကောင်တွေက ၀ိုင်းပြီးတော့ ဆွဲဖဲ့ကြ ဖြုတ်ချကြတာပဲတဲ့ ။အဲဒါနဲ့ ပဲ ဘယ်သူမှကို အပေါ်မရောက် နိုင်ကြတော့ပါဘူး တဲ့ ။
မြန်မာတွေက ဘယ်တုန်းကမှ မညံ့ခဲ့ကြပါဘူး ။ လူညွန့် တုန်းနေကြတဲ့သူတွေ မဟုတ်ကြပါဘူး ။ခေတ်အဆက်ဆက် အမျိုးမျိုး အဖုံဖုံ စံနစ်တစ်ကျ ဖျက်ဆီးခံ ထားခဲ့ကြရတာပါ ။ ကိုယ်ရည်ကိုယ်သွေးတွေကို ချွန်ထွက်မလာအောင် ပုံသွင်းနှိပ်ကွပ် ခံထားခဲ့ကြရတာပါ ။
အခု အသိညဏ်တံခါးကို ဖွင့်ကြည့်ကြရမယ့် အချိန် ရောက်နေပါပြီ ။ သူများ ၀ါဒဖြန့် တိုင်း လိုက်ပြီးတုန်လှုပ်နေကြရတော့မယ့် အချိန် မဟုတ်ပါဘူး ။ မြန်မာတွေက ပျော်ပျော်နေတတ်တယ် ။စိတ်နာလွယ်တာနဲ့ အမျှ ခွင့်လွှတ်လွယ် ၊ ကျေအေးလွယ်ကြပါတယ် ။ စိတ်ဆိုးလွယ်တာနဲ့ အမျှမေ့ပြစ်ဖို့ လည်း လွယ်ကူကြပါတယ် ။ သွေးအေးလွယ်သလို ၊ အင်မတန်လည်း သွေးဆူလွယ်ကြတာပါ ။
ကိုယ့်ဘာသာကို ကိုယ်သာ အကြည်အညို နဲချင်နဲမယ် ၊ အရိုအသေ နဲချင်နဲမယ် ၊ ဘာသာရေးနဲ့ ပတ်သက်လာရင် အင်မတန်မှ အကဲဆတ်လွန်းတဲ့ လူမျိုးလည်း ဖြစ်ပါတယ် ။ ဆတ်ဆတ်ထိ မခံနိုင်တဲ့ လူမျိုး ဖြစ်ပါတယ် ။ အတိတ်ကို တသသပြန်တွေးပြီး ၀မ်းနဲရင်သာ နဲမယ် ၊ သင်ခန်းစာယူဖို့ ကြတော့ အမေ့မေ့အလျော့လျော့လည်း ရှိနေတတ်ကြပါတယ် ။ ဦးနုက ဗုဒ္ဓဘာသာကို နိုင်ငံတော်ဘာသာ လုပ်မယ်လဲဆိုရော ဘာမှထပ်မစဉ်းစားတော့ပဲ မဲတွေစုပြုံ ပစ်ထဲ့တတ်ကြတဲ့ လူမျိုးတွေပါ ။
းကိုယ့်ဘာသာ ၊ ကိုယ့်သာသနာကို သနားစရာကောင်းလောက်အောင် အကြည်ညို လွန်ကြတယ် ဆိုရင်လည်း မမှားပါဘူး ။ စံနစ်တကျ ဝေဖန်ဆန်းစစ်မှု အားနဲခဲ့ကြတော့ ဒါကိုပဲ အုပ်ချုပ်မင်းလုပ်ကြသူ အဆက်ဆက်က နိုင်ငံရေးကစားကွက် ၊ လှည့်ကွက်အဖြစ် အကြိမ်ကြိမ် အသုံးချနိုင်ခဲ့ကြတာပါ ။ကျွန်တော်တို့  ပြည်သူတွေကလည်း အကြိမ်တိုင်းကို သွေးဆူလွယ် ၊ အကဲဆတ်လွယ်နေကြတုန်းပါ ။
အခုအချိန်က ကျွန်တော်တို့  အဲဒီလိုအလှည့်စား ခံကြရတော့မယ့် အချိန်မဟုတ်တော့ပါဘူး ။အသိညဏ်ရှိရှိ ၊ သတိကြီးကြီးထားပြီး ဘယ်သူ့ လှည့်ကွက်ထဲမှ မ၀င်အောင် နေကြရပါလိမ့်မယ် ။
ရခိုင်ပြသနာက ကျွန်တော်တို့ ရဲ့  အနောက်ဖက်တံခါးပေါက် မလုံလို့ ဖြစ်တဲ့ ပြသနာပါ ။အစိုးရရဲ့  စီမံကွပ်ကဲမှုအမှားတွေနဲ့  အုပ်ချုပ်သူတွေရဲ့  အစဉ်အဆက်ဖောက်ပြန်လာခဲ့ကြတဲ့လာဘ်စားမှုတွေကြောင့် နယ်မြေကျုးကျော်ခံရမှု ပြသနာပါ ။ အဲဒီလူတွေ ကျွန်တော်တို့ နဲ့ အသားအရောင် ၊ ကိုးကွယ်ရာဘာသာ မတူတဲ့ ပြသနာ မဟုတ်ပါဘူး ။
ကျွန်တော်တို့ ရဲ့  အစိုးရမင်းများနဲ့ သာ အဓိက သက်ဆိုင်တဲ့ ပြသနာ ဖြစ်ပါတယ် ။ တိုင်းပြည်ကို တစ်လက်မမျှ မပေးရအောင် ကာကွယ်ရမယ် ၊ ဘယ်လူမျိုးမှ ကိုယ့်နိုင်ငံသားတွေကိုမမြိုရအောင် ကာကွယ်ပေးရမယ်ဆိုတဲ့ တာဝန်အတွက် အုပ်ချုပ်သူ အစိုးရမှာ မဖြစ်မနေ တာဝန် ရှိနေတာပါ ။ သူတို့ တာဝန်ယူကြရမှာပါ ။ အဲဒီလူတွေက ဘာလူမျိုးဖြစ်နေနေ ၊ ဘယ်အသွေးအရောင် ရှိနေနေ ၊ ဘယ်ဘာသာ ကိုးကွယ်နေနေ ၊ အဲဒါကို မုန်းတီးကြရမှာ မဟုတ်ပဲ ကျွန်တော်တို့ တိုင်းပြည်ကို ၊ကျွန်တော်တို့ ရဲ့  လူမျိုးတွေကို ကာကွယ်ပေးဖို့ ကိုသာ ကျွန်တော်တို့  တောင်းဆိုကြရမှာပါ ။
ကျွန်တော်တို့  အိမ်ထဲကို လူစိမ်းမ၀င်အောင်သာ ကျွန်တော်တို့ မှာ ကာကွယ်ခွင့်ရှိတယ် ၊ ကိုယ့်အိမ်နီးချင်း ဘယ်သူဖြစ်သင့်တယ်လို့ တော့ တောင်းဆိုလို့  မရနိုင်ဘူးမို့ လား ။ အခုကျွန်တော်တို့  ကြုံတွေ့ နေရတာက နိုင်ငံပိုင်နက် ကျူးကျော်ခံနေရတဲ့ အခန့် မသင့်ရင် နိုင်ငံပျောက်သွားမယ့် ပြသနာပါ ။ လူမျိုးရေး အဓိကရုန်း ၊ ဘာသာရေးအဓိကရုန်း နဲ့  လမ်းလွဲခံလိုက်ရမယ့် ပြသနာ မဟုတ်ပါဘူး ။
နိုင်ငံရေးမှာ တိုက်ဆိုင်တယ်ဆိုတာ မရှိပါဘူး ။ သတိကြီးကြီးထားပြီး မျက်စိဖွင့် ၊ နားစွင့်ထားကြမှသင့်ပါလိမ့်မယ် ။ ဗိုလ်နေ၀င်း စစ်တပ်အောက် ၊ န၀တ စစ်အာဏာရှင်အောက် ၊ ဒီလောက်နှစ်တွေအကြာကြီး ဖိသိပ်နှိပ်ကွပ် ခံခဲ့ရတာ အရာရာကို ကျွန်တော်တို့  သတိကြီးကြီးထားမှ ၊ သံသယ ၀င်ကာမှတော်ကာကြ ပါလိမ့်မယ် ။ ဘယ်သူ့ ကိုမှ ကျွန်တော်တို့  အလွယ်တကူ ယုံလို့ မဖြစ်ပါဘူး ။ အခုတလောဖြစ်နေတဲ့ ကိစ္စတွေအများကြီးကို ဆက်စပ်စဉ်းစား ကြည့်ကြပါ ။ တိုက်ဆိုင်မှုတွေ များလွှန်းလှနေပါတယ် ။
NLD ဆိုတာကို တစ်ဖွဲ့ လုံး ကျွန်တော်တို့  မယုံတော့ဘူးပဲ ထားပါ ။ဒေါ်အောင်ဆန်းစုကြည် ကိုတော့ ကျွန်တော်တို့  ယုံရပါလိမ့်မယ် ။ သူ့ အရည်အချင်းတွေကိုသံသယ၀င်နေခဲ့ပြီပဲ ထားပါ ၊ အခုလောလောဆယ်မှာ သူကလွဲတဲ့ ဘယ်သူ့ ကို ကျွန်တော်တို့ ယုံကြမှာလဲ ။ သူကလွဲတဲ့ တခြား လူထုတစ်ရပ်လုံးကိုခေါင်းဆောင်နိုင်တဲ့ အမျိုးသားခေါင်းဆောင် ကျွန်တော်တို့ မှာ ရှိပါပြီလား ။ ဘာပဲဖြစ်ဖြစ် ဒေါ်အောင်ဆန်းစုကြည်က တစ်ကမ္ဘာလုံးက အသိအမှတ်ပြုထားတဲ့ ဒီမိုကရေစီ ပုံရိပ်ပါ ။ သူ့ သမိုင်းနဲ့  သူ့ ဂုဏ်သိက္ခာ ၊ သူ့ ဖခင် ဂုဏ်သိက္ခာကိုသူ မဖြစ်မနေ ထိန်းသွားရမယ့်သူပါ ။ ဘယ်လောက်ပဲ လမ်းမှားချင်ဦးတော့ သူက ဒီလမ်းကနေခြေချော်သွားလို့  မရတော့တဲ့သူပါ ။
ကိုယ့်ဘာသာကိုယ်ကာကွယ်တာ ၊ စောင့်ရှောက်ချင်တာ ကောင်းပါတယ် ။ ဆရာတော် တွေ လုပ်ရမယ့်အလုပ်လည်း ဖြစ်ပါတယ် ။ မြတ်စွာဘုရား ဟောကြားတော်မူသော ၊ ဗုဒ္ဓကြိုက်နှစ်သက်သော လမ်းစဉ်ဟုတ်မဟုတ်ဆိုတာလည်း ဘုရားသားတော်တွေကပဲ ပိုသိ ပိုနားလည် ကြမှာပါ ။
ဒီအချိန်က ကျွန်တော်တို့ ရဲ့  သိပ်နုနယ်သေးတဲ့ ဒီမိုကရေစီ ခရီးအစပါ ။ ဒီလောက်ကလေး ရောက်လာခဲ့ဖို့ တောင် အသက်တွေ ၊ သွေးတွေ ၊ ဘ၀တွေ ။ ဘယ်တော့မှ အစားပြန်မရနိုင်တော့မယ့် အချိန်တွေကျွန်တော်တို့ အများကြီး ရင်းထားခဲ့ရတာ ။ အခုမှ အရင်းတောင် မရသေး ပါဘူး ။ ရင်းစားလေးတောင်မှပြန်မရသေးတဲ့ အချိန်ပါ ။ မဖြစ်မနေကို ကျွန်တော်တို့  သွေးစည်းညီညွတ်ကြရမယ့် အချိန်ပါ ။ဘယ်လိုမှ ကွဲလို့ မဖြစ်တဲ့ အချိန်ပါ ။
ဆရာတော် ဦးဝီရသူ NLD ကို ထောက်ပြတဲ့ အချက်တွေက အကုန်မှန်တယ်ပဲ ထားပါ ။ အခြေအနေနဲ့  အချိန်အခါရွေးချယ်ပုံက မှားပါတယ် ။ သံသယသာဖြစ်မယ်ဆိုရင် အများကြီး သံသယ ဖြစ်စရာ ကောင်းပါတယ် ။ အမျိုးသားရေး ဆောင်ရွက်နေတဲ့ သူတွေနဲ့  အတိုက်အခံ အဖွဲ့ တို့  အချင်းများကြရင် အမြတ်ထွက်မယ့်သူဘယ်သူရှိပါမလဲ ....။ ကျွန်တော်တို့  အများကြီး စဉ်းစားချင့်ချိန်ကြရပါမယ် ။
ပြသနာအားလုံးမှာ နောက်ထပ်ဖြေရှင်းနည်း တစ်စုံတစ်ရာ ၊ နောက်ထပ် အဖြေရှာလို့ ရမယ့် ရှုထောင့်တစ်ကယ်ပဲ ထပ်မရှိနိုင်တာ သေချာသွားပြီလား ။ ဒီအကြောင်းကိုပဲ ဒီလို လူထုအထင်လွဲအောင် ၊ သံသယ၀င်အောင် မလုပ်ပဲ ဒေါ်အောင်ဆန်းစုကြည်ကို အသိပေးနိုင်တဲ့ တစ်ခြားနည်းလမ်း တစ်ကယ်ပဲ မရှိတော့တာလား ။
ဘာသာရေး အဓိကရုန်း ၊ လူမျိုးရေး အဓိကရုန်းဆိုတာ ကျွန်တော်တို့ တိုင်းပြည်မှာ အုပ်ချုပ်သူတွေက အဆက်ဆက် အာရုံလွှဲဖို့  အသုံးပြုခဲ့ကြတဲ့ ခေါင်းစဉ်ပါ ။ အစိုးရညံ့ချင်းလို့  နယ်မြေမလုံခြုံတဲ့ပြသနာကနေ အခု လူမျိုးရေးတွေ ဘာသာရေးတွေ ပါလာပြီ ။ NLD ပါကြားညပ်လာပြီ ။ ၈၈တွေကို တစစီ အသရေ ဖျက်နေကြပြီ ။ ကင်တားနားလာပြီ။ဥပဒေပြင်ဖို့ ပြောပြီ ။ လွှတ်တော်မှာ ၀န်ကြီးက ဘင်္ဂါလီ လို့  စွတ်စွဲခံထားရတဲ့ လွှတ်တော်အမတ်တွေပါတဲ့ ကိုယ်စားလည်တော်ကြီးတွေကို ရိုဟင်ဂျာ မရှိပါဘူးလို့  ဖြေပြီး အမှတ်ယူနေခဲ့ပြီ ။ ကျန်တဲ့သူတွေကတော့ သုံးးစားမရတော့တဲ့ အမျိုးသားရေး သစ္စဖောက်တွေ ဖြစ်ခဲ့ကြပြီ ။
ဒီအချိန်မှာ စစ်တပ်အကောင့်ပိုင်ရှင်တွေလို့  သိသာနေတဲ့ အကောင့်တွေက တရုတ်ကို တစ်ကယ်ကြောက်တာပါဆိုတာတွေ ၊ မီးပျက်တာ နည်းတောင်နည်းသေးတယ်ဆိုပြီး တရုတ်ရဲ့  မြစ်ဆုံ ရေအားလျပ်စစ်စီမံကိန်းကိုပြန်အသက်သွင်းဖို့  လှုံ့ ဆော်နေကြတယ် ။ တောက်လျှောက်ကို ရေးတင်နေကြတာ ပါ ။ ခုနကပဲငြိမ်းချမ်းရေး ယူထားပါတယ်ဆိုတဲ့ ကချင်နဲ့  ထိတွေ့ မှုတွေ ပြန်ဖြစ်နေပါပြီ ဆိုတဲ့သတင်းတွေ ၊ SSA နဲ့  ရှမ်းမြောက်မှာ ဖြစ်တယ်ဆိုတာတွေ ပြန်ပြီးတော့ ပြန့် နေပြန်ပါပြီ ။
ကျွန်တော်တို့  မြန်မာ့နိုင်ငံရေးမှာ စစ်တပ်ဟာ သူ့ ရဲ့  အသုံးဝင်မှု အခန်းကဏ္ဍကို အမြဲအရေးပါတဲ့ နေရာကပြချင်ခဲ့ ၊ နေချင်ခဲ့တာပါ ။ အေးချမ်းသွားမယ် ဆိုရင် သူတို့  မလိုဘူး ဆိုတာမျိုး ဖြစ်သွားမှာကို သိပ်ကြောက်ခဲ့တာပါ ။အဲဒီအတွက် စစ်တပ် အစွမ်းပြလို့ ရမယ့် အရာတွေကို အမြဲရချင်ခဲ့တာပါ ။
မြန်မာ့နိုင်ငံရေးဟာ လွတ်လပ်ရေး ကြိုးပမ်းစဉ်ကာလတွေ ကတည်းက အမြဲကွဲခဲ့တာပါ ။ လူနှစ်ယောက်ရှိရင်၃ ဖွဲ့ ကွဲတယ်လို့  ပြောစမှတ်ပြုရလောက်အောင် မြန်မာ့နိုင်ငံရေးသမားတွေ ခေတ်အဆက်ဆက်မှာ အကွဲအပြဲ များခဲ့ကြတာပါ ။ ဒီလိုနဲ့  တိုင်းပြည် အကြိမ်ကြိမ် နွံနစ်ခဲ့ပြီးလည်း ကျွန်တော်တို့ မြန်မာတွေအခုချိန်အထိတော့ စည်းလုံးညီညွတ်ဖို့ ထက် စီကနဲဆို ကွဲလိုက်ကြဖို့  ပိုအားသန်နေကြတုန်းပါ ။
နိုင်ငံရေးသမားတွေက မစည်းလုံးရင်လည်း ပြည်သူတွေကတော့ စည်းလုံးရပါလိမ့်မယ် ။ စည်းလုံးကြမှရပါလိမ့်မယ် ။ တိုင်းသူပြည်သား တစ်ယောက်ချင်းစီက ကိုယ့်အသိညဏ်ကိုယ်မြှင့်ပြီးတော့အရာရာကို ကျွန်တော်တို့  ချင့်ချိန်ပြီးတော့ စဉ်းစားကြရပါလိမ့်မယ် ။ ယုံကြည်ကြရပါလိမ့်မယ် ။အရာရာကို သွေးမဆူပဲ အသိညဏ်ရှိရှိ ၊ သတိကြီးကြီး တုန့် ပြန်ကြရပါလိမ့်မယ် ။ မဟုတ်ရင်ကျွန်တော်တို့ ပြည်သူတွေပဲ နင်းပြားဖြစ်ကြရမှာပါ ။ ခံကြရမှာပါ ။ နာကြရမှာပါ ။ ဒီလောက်နှစ်တွေအကြာကြီး ဘယ်သူ့ ကိုမဆို ၊ ဘာကိုမဆို လုပ်မယ့်အကြောင်း အကြိမ်ကြိမ် သက်သေပြခဲ့တဲ့သူတွေဆိုတာ လက်ပန်းတောင်းဘုန်းတော်ကြီးတွေ သက်သေရှိနေဆဲပါ ။
ဘယ်သူ့ ကိုမှ မယုံကြည်ပါဘူး ဆိုရင်တောင် ကျွန်တော်တို့  သတိကြိးကြီးထားဖို့ တော့ လိုမှာ အမှန်ဖြစ်ပါတယ်။ ။
ပြည်ချစ်သူ
