လူကုန်ကူးသူတို့ အင်တာနက် အသုံးပြုလာနေကြမှု

 

ကမ္ဘာလုံးချီ ပြောင်းလဲမှုများ အရှိန်ပြင်းစွာ ဖြစ်ပျက်နေသည့် ကာလ ဖြစ်ခြင်းကြောင့် ဆက်သွယ်ရေး နည်းပညာများနှင့် သတင်း အချက်အလက် စီးဆင်းမှု များလည်း အရှိန်အဟုန်ဖြင့် ကျယ်ပြန့် ပျံ့နှံ့နေသည်။ ထို့ အတွက်ကြောင့်လူအများအတွက် အလွယ်တကူကြည့်ရန်၊ အသုံးပြုရန်၊ တွေ့ဆုံရန်အလွန်လွယ်ကူလာစေသည်။ တရားဝင်လုပ်ငန်းများအတွက် အသုံးဝင်သလို လူကုန် ကူးသူများအတွက်လည်း ပိုပြီးတီထွင်ကြံဆ နည်း လမ်းသစ်များဖြင့်ကျူးလွန်ရန် အထောက်အကူ ပြုလျက်ရှိသည်။

အင်တာနက်သည် လူကုန်ကူးမှု ပညာ ပေးအစီအစဉ်များမှာရော၊ ထိုမှုခင်း၏ အကျိုး ဆက်များနှင့်ပတ်သက်ပြီး ကွန်ရက်တည်ဆောက် ကာ ပညာပေးဖြန့်ချိမှုမှာရော အလွန်အစွမ်းထက် သည့် ကိရိယာတန်ဆာပလာအဖြစ် အသုံးပြုလာကြ သည်။ လူကုန်ကူးမှု တိုက်ဖျက်သည့်အဖွဲ့အစည်း အချင်းချင်းသည် အင်တာနက်၏ အားသာချက်၊ အသုံးဝင်မှုတို့ကို အသုံးချပြီး တစ်ကမ္ဘာလုံး အသိမြင့် တင်ပေးမှုအတွက် ဆောင်ရွက်နေကြသည်။ အင်တာနက်ကို အသုံးပြုကာ ဥပဒေ ဘက်တော်သားအချင်းချင်း ပူးပေါင်းတိုက်ဖျက်ရာတွင် ထိုပြစ်မှု စုံစမ်းဖော်ထုတ်ကြရာ တွင်လည်း အသုံးပြုလျှက်ရှိနေသည်။

တစ်ချိန်တည်းမှာပင် ပြစ်မှုကျူးလွန်ကြသူ ကွန်ရက်များ၊ ဂိုဏ်းများသည် ¤င်းတို့၏ ဥပဒေမဲ့လုပ်ရပ်များကို ထိုနည်းပညာအသစ်အဆန်းများဖြင့်ပင် တိုးမြင့်ဆောင်ရွက်ကျူးလွန် နေကြသည်။ လူကုန်ကူးမှုများသည် ပို၍ပင်အင်တာနက်ကိုအသုံးပြုပြီး ဘဝရပ်တည်ရန် ခက်ခဲသည့်အုပ်စုများ၊ သားကောင်ဖြစ်နိုင်ချေရှိသူများတို့ကိုပစ်မှတ်ထားကြသည်။

ထို့ကြောင့် (၂ဝ၁ဝ)ခုနှစ် ဧပြီလ (၁၇)ရက်နေ့က ဘရာဇီးလ်နိုင်ငံတွင် ပြုလုပ်သော (၁၂)ကြိမ်မြောက် ကမ္ဘာ့ကုလသမဂ္ဂ၏ မှုခင်းကာကွယ်တားဆီးရေးနှင့် တရားစီရင်ရေး ဆိုင်ရာ ညီလာခံတွင် လူကုန်ကူးမှုနှင့် သက်ဆိုင်သော အင်တာနက်အသုံးပြုမှု အကျိုးအပြစ် များကို ဆွေးနွေးခဲ့ကြသည်။ ထိုဆွေးနွေးပွဲ၏ လေ့လာသုံးသပ်မှုမှာ အစိုးရများ၊ လူမှုရေး အသင်းအဖွဲ့အစည်းများနှင့် ပုဂ္ဂလိကအခန်း ကဏ္ဍတို့မှလည်း အင်တာနက်ကိုအသုံးပြု ကျူးလွန်သည့်မှုခင်းဟူသမျှကို ပူးပေါင်းပါဝင် တိုက်ဖျက်ရန်လိုသည်ဟု မှတ်ချက်ပေးကြသည်။

လူကုန်ကူးမှုများသည် အင်တာနက်ကို အသုံးပြုပြီး လူစုဆောင်းမှုနှင့် ¤င်းတို့၏ ဝန်ဆောင်မှုများကို ကြော်ငြာမှုတို့ဆောင်ရွက် နေကြသည်ကို သက်သေအထောက်အထား၊ လက်ဆုပ်လက်ကိုင်ပြနိုင်သည်အထိ မတွေ့ရှိရ သေးသော်လည်း ကြားသိနေရမှုတော့ ရှိနေသည်။ ထိုသို့ဖြစ်ရခြင်းမှာ ¤င်းတို့သည် အာဏာပိုင်များ၏ စုံစမ်းမှုများမှ လွတ်မြောက် ကျော်ဖြတ်ရန်ဆောင်ရွက်နေကြခြင်းကြောင့်ဖြစ် သည်ဟု ယူဆရသည်။

အချို့နိုင်ငံများမှ လူကုန်ကူးသူများသည် ယခင်က ပညာမတတ်ကြသူများ ဖြစ်ကြ သော်လည်း ယခုအခါ ပညာတတ်များဖြစ်လာကြသည့်အပြင် ခေတ်မီနည်းပညာများကိုပါ ကိုင်တွယ်သုံးစွဲလာနိုင်ကြပြီဖြစ် သည်။ ယခင်အခါများနှင့်မတူ လက်ကိုင်ဖုန်းများ၊ ဗွီဒီယို ကင်မရာများ သုံးစွဲတတ်လာခြင်း၊ အင်္ဂလိပ်စာ စကားများကိုလည်း ကျွမ်းကျွမ်းကျင်ကျင် ပြောဆိုတတ်လာနိုင်ခြင်းတို့ကြောင့် ယခင်ကထက် ကလေးများနှင့်အမျိုးသမီးများကို ခေါင်းပုံဖြတ်အမြတ်ထုတ် ရန်အတွက် ပို၍အလုပ်ဖြစ်လာကြသည်။

နိုင်ငံတစ်ခုနှင့်တစ်ခု လူကုန်ကူးသူများ၏ လုပ်ပုံလုပ်နည်း အမျိုး မျိုးကွဲပြားခြားနား လျက်ရှိကြသည်။ ထိုသို့ကွာခြားမှုသည် လူကုန်ကူးသူတို့၏ အရည်အချင်းပေါ်တွင်မူတည် သည်။ တချို့မှာပညာအရည်အချင်းမရှိသူ၊ အရည်အချင်းအနည်းငယ်သာရှိသူ၊ တချို့မှာမူ လူ့အသိုင်းအဝိုင်းမှ ရိုသေသမှုပြုရသောသူ၊ ကိုယ်ရည်ကိုယ်သွေးရှိပြီး လျှို့ဝှက်စွာ ပိပိရိရိ လုပ်ဆောင်နေသူ၊ အတွေ့အကြုံများစွာရှိသည့် ဒုစရိုက်ဂိုဏ်းဝင်ဖြစ်သူများသည် ခေတ်မီ နည်းပညာကို တစ်ဖက်ကမ်းခတ်တတ်မြောက်ကျွမ်းကျင်သူတို့ အထိရှိကြသည်။ မည်သည့် ကမ္ဘာပေါ်မှာပဲထိုပြစ်မှုကျူးလွန်သည်ဖြစ်စေ၊ မည်သည့်ပုံစံမျိုးဖြင့် ကျူးလွန်နေသည်ဖြစ်စေ၊ အားလုံးသည်ထိုနည်းပညာများကြောင့် အကျိုးအမြတ်ရရှိနေနေကြသည်။ ထိုခေတ်မီ နည်းပညာ ကြောင့်လည်း လျင်မြန်ခြင်း၊ ဈေးပေါပေါဖြင့် အမြတ်များစွာရရှိကြသည်။

လိင်မှုဆိုင်ရာ ညစ်ညမ်းဓာတ်ပုံ၊ ဗွီဒီယိုများထုတ်လုပ်ရန်ရည်ရွယ်၍ လူကုန်ကူးမှုတွင် နည်းပညာသုံးစွဲမှုများပိုတိုး၍ သုံးစွဲလာရခြင်းသည် အင်တာနက်အသုံးပြုရန် ပိုလွယ်ကူခြင်း ကြောင့်လည်းကောင်း၊ နည်းပညာဝန်ဆောင်မှုများ သက်သောင့်သက်သာ တိုးတက်ဖွံ့ဖြိုးလာခြင်းကြောင့်လည်းကောင်း နှစ်စဉ်အင်တာနက် သုံးစွဲသူဦးရေ ပိုများလာနေခြင်းကြောင့် လည်းကောင်း၊ သုံးစွဲသူ၏ အမည်ရင်း၊ ဖော်ပြရန်မလိုဘဲသုံးစွဲနိုင်ခြင်းကြောင့်လည်းကောင်း၊ အင်တာနက်မြန်နှုန်းမြင့်များများစွာပေါ်ပေါက်လာခြင်းကြောင့် လည်းကောင်း၊ လူကုန်ကူးသူများသည် အိမ်ထဲမှာ တွင်ပင် နေရာအနှံ့ဆီသို့ လှမ်းပြီးအလုပ်လုပ် နိုင်ခြင်းကြောင့်လည်းကောင်း၊ နိုင်ငံအနှံ့အပြား တွင် ချိတ်ဆက်ဆက်သွယ်ဆောင်ရွက်နိုင်သဖြင့် အာဏာပိုင်တို့ခြေရာခံရန် ခက်ခဲခြင်းကြောင့် လည်းကောင်း၊ ရင်းနှီးမြှုပ်နှံမှုနှင့်ယှဉ်ပါက အကျိုးအမြတ်ရရှိမှုများစွာ အမြတ်များစွာရ ရှိခြင်းတို့ကြောင့် ထိုအင်တာနက်နည်းပညာကို အသုံးပြုမှုများလာရခြင်းဖြစ်သည်။

အင်တာနက်ဖြင့် သားကောင်ရှာဖွေမှုသည် လူကုန်ကူးသူအတွက် သမားရိုးကျနည်း လမ်းများထက် ပိုမိုအားသာချက်ဖြစ်စေသည်။ ကျယ်ကျယ်ပြန့်ပြန့် လူမျိုးမရွေး၊ ဘာသာမရွေး ပစ်မှတ်ရှာဖွေနိုင်သည်။ အထူး သဖြင့် ဘဝ ရပ်တည်ရန်ခက်ခဲ သည့် အုပ်စုများကို chatrooms, spam mail (သို့) internet dating များမှတစ်ဆင့် ပစ်မှတ်ရှာကြတော့သည်။

အစိုးရအဖွဲ့အစည်းများနှင့် အစိုးရမဟုတ်သော အဖွဲ့အစည်းများတို့ ပူးပေါင်းဆောင် ရွက်မှုကပို၍ အရေးကြီးလာကြောင်းကို ပြသသလို အင်တာနက်ကို လူကုန်ကူးမှုတိုက်ဖျတ် ရေးတွင် ပိုမိုအားမြှင့်သုံးစွဲကာ လက်နက်အဖြစ်အသုံးပြုရေးနှင့် မှုခင်းကျူးလွန်ရာတွင် အင်တာနက်အသုံးပြုမှု မှန်သမျှကို တန်ပြန်တိုက်ဖျက်ပစ်ရေးတို့အတွက်ပါ အသုံးပြုရဦးမည် ဖြစ်သည်။

ဝင်းနိုင်ထွန်း

 Type the rest of your post here.