စစ်အစိုးရနိုင်ငံခြားဝင်ငွေ အများအပြား ရရှိ .. ပြည်သူတွေကတော့ ငတ်တုန်းပဲ

မြန်မာ နယ်နိမိတ်အတွင်း ဖြတ်သန်းသည့် နိုင်ငံတကာ လေကြောင်းလိုင်းများမှ နှစ်စဉ် ကန်ဒေါ်လာ သန်း ၅၀ ကျော် ကောက်ခံရရှိ
မြန်မာနိုင်ငံရှိ အပြည်ပြည်ဆိုင်ရာ လေဆိပ်များသို့ ဆိုက်ရောက်ခြင်း မရှိသော်လည်း နယ်နိမိတ်အတွင်း ဖြတ်သန်း ပြေးဆွဲသည့် နိုင်ငံတကာ လေကြောင်းလိုင်းများမှ ဖြတ်သန်း အသုံးပြုကြေး ကောက်ခံ ရမှုသည် နှစ်စဉ် အမေရိကန် ဒေါ်လာ သန်း ၅၀ ကျော် ရရှိနေကြောင်း သတင်းရရှိသည်။ နိုင်ငံတကာ မြို့ပြ လေကြောင်း အဖွဲ့ (ICAO)၀င်နိုင်ငံ ဖြစ်သည့် နိုင်ငံတိုင်းသို့ လေကြောင်းလိုင်းများ အနေဖြင့် ဖြတ်သန်း၍ ပျံသန်းသည့် အချိန်ကာလ အတိုင်း တွက်ချက် ပေးချေရကြောင်း သိရသည်။ “ဒီလို ကောက်ခံမှုကနေ နိုင်ငံအတွက် နိုင်ငံခြားဝင်ငွေ အများအပြား ရှာဖွေ ပေးနေပါတယ်။ ဖြတ်သန်းပြေးဆွဲတဲ့ လေယာဉ်တိုင်း တစ်စက္ကန့်ကို အမေရိကန် ဒေါ်လာ ငါးဒေါ်လာနှုန်း တွက်ချက် ပေးဆောင်ရပါတယ်”ဟု လေကြောင်းလိုင်းမှ တာဝန်ရှိသူ တစ်ဦးက ပြောကြားသည်။ ထိုသို့ ဖြတ်သန်း အသုံးပြုကြေး ကောက်ခံရာတွင် မြန်မာနိုင်ငံသို့ လာရောက်သည့် လေယာဉ်များနှင့် ပြည်တွင်းမှ လေယာဉ်များ ပါဝင်ခြင်း မရှိဘဲ အဆိုပါ လေယာဉ်များကို လေဆိပ် ၀န်ဆောင် ကြေးသာ ကောက်ခံကြောင်း သိရသည်။ ဖြတ်သန်း အသုံးပြုကြေး ကောက်ခံရာတွင် နိုင်ငံတကာ လေကြောင်းလိုင်းများသည် အသုံး ပြုပြီးမှ သက်ဆိုင်ရာ လေဆိပ်များသို့ မေးလ်ဆက်သွယ် ပေးပို့ပေးချေ ကြကြောင်း သိရသည်။ “နိုင်ငံတကာ လေကြောင်းလိုင်းတွေ အနေနဲ့ ဖြတ်သန်းရမယ့် နိုင်ငံတွေရဲ့ ပေးချေရမယ့် ပမာဏကို တွက်ချက်ပြီးမှ လေယာဉ်လက်မှတ် သတ်မှတ်ထားတာပါ။ အမှန်က ခရီးသည်က ပေးရတာပါပဲ။ မြန်မာနိုင်ငံကနေ ကူဝိတ်သွားမယ်ဆိုရင် ဘန်ကောက်အထိ ဖြတ်သန်းခ မပေးရဘူး။ ဘန်ကောက်ကနေ ပြန်ထွက်ရင် မြန်မာနိုင်ငံကို ဖြတ်သွားရတော့ ဖြတ်သန်း စရိတ်ပေးရတယ်”ဟု ၀ါရင့် လေယာဉ်မှူးကြီး တစ်ဦးက ရှင်းလင်း ပြောကြားသည်။ နိုင်ငံတကာ လေကြောင်းလိုင်းများသည် တိုက်ရိုက် ပျံသန်းသည့် နိုင်ငံတစ်နိုင်ငံ၏ ဧရိယာအတွင်းမှလွဲ၍ ဖြတ်သန်း ပျံသန်းခဲ့ရသည့် နိုင်ငံတိုင်းအပေါ် ကြာမြင့်ချိန် အတိုင်း ပေးဆောင်နေကြောင်း သိရသည်။ ထိုသို့ နိုင်ငံတကာ လေယာဉ်များ ဖြတ်သန်း ပျံသန်းချိန်တွင် သက်ဆိုင်ရာ ဌာနသည် တခြားလေယာဉ်များနှင့် တိုက်ဆိုင်မှု မရှိစေရန် စီမံကွပ်ကဲ ပေးရကြောင်း ၂၀၁၀ ခုနှစ် ဇွန်လ ၁၇ ရက်နေ့ထုတ် ပြည်မြန်မာ ဂျာနယ်တွင် ဖော်ပြထားပါသည်။