လျှပ်စစ်စီမံကိန်းများ တည်ဆောက်ရန် တရုတ်နိုင်ငံမှ အတိုးနှုန်း ၄.၅ ရာခိုင်နှုန်းဖြင့် ချေးငှားမှုသည် အိန္ဒိယ၊ ကမ္ဘာ့ဘဏ်၊ အာရှဖွံ့ဖြိုးရေးဘဏ်၊ ဂျပန်နိုင်ငံတို့မှ ချေးငှားမှုထက် များပြားနေ
မြန်မာနိုင်ငံ၏ လျှပ်စစ်စီမံကိန်းများကို တရုတ်နိုင်ငံ၏ EXIM BANK, CDB တို့မှ ၄ ဒသမ ၅ရာခိုင်နှုန်းဖြင့် ချေးငှားမှုမှာ အိန္ဒိယနိုင်ငံ၊ ကမ္ဘာ့ဘဏ်၊ အာရှဖွံ့ဖြိုးရေးဘဏ်၊ ဂျပန်နိုင်ငံတို့မှချေးငှားမည့်အတိုးနှုန်း ထက် များပြားနေပြီး လျှပ်စစ်စီမံကိန်းများသည်လည်း အကြမ်းဖျင်းခန့်မှန်း တွက်ချက်မှုများကို ကျင့်သုံးနေသည့် အတွက် အကျိုးသက်ရောက်မှု ထိ ရောက်စေရန်အတွက် ပြန်လည်သုံးသပ်သင့်ကြောင်း အဆိုကို "အမျိုးသား လွှတ်တော် ကိုယ်စားလှယ် ဦးမျိုးမြင့် က အမျိုးသားလွှတ်တော်၌ အောက်တိုဘာလ ၂၆ရက်နေ့က တင်သွင်းရာ တွင် ပြောကြားခဲ့ပါသည်"။
ပြည်ပရင်းနှီးမြှုပ်နှံမှုအစီအစဉ်ဖြင့် တည်ဆောက်မည့် ရေအားလျှပ်စစ်စီမံကိန်း ၄၄ခုကို တရုတ်ချေးငွေဖြင့် တည်ဆောက်မည်ဖြစ်ရာ ဘဏ်အတိုးနှုန်းမှာ ၄ဒသမ၅ ရာခိုင်နှုန်းရှိပြီး အိန္ဒိယ နိုင်ငံမှ ၁ဒသမ၅ရာခိုင်နှုန်း၊ ကမ္ဘာ့ ဘဏ်/အာရှဖွံ့ဖြိုးရေးဘဏ်/ဂျပန်နိုင်ငံတို့မှ ၁ရာခိုင်နှုန်းမှ၂ရာခိုင်နှုန်း အတွင်း သာရှိသည့် အတိုးနှုန်းများနှင့် နှိုင်းယှဉ်ပါက အတိုးနှုန်းမှာများစွာ ကြီးမြင့်နေကြောင်း သိရသည်။
________________________________________
တစ်မဂ္ဂါဝပ် ကုန်ကျစရိတ်ဟာ အမေရိကန်ဒေါ်လာ ၂ ဒသမ ၅ သန်း ထက်ပိုတဲ့ စီမံကိန်းတွေ နိုင်ငံတကာမှာ မရှိသလောက် ဖြစ်ပါတယ်။ ဒါကြောင့် ဒီလိုစီမံကိန်းတွေကို တကယ်အကျိုးရှိတဲ့ စီမံကိန်းမျိုးဖြစ်အောင် ပြန်လည်သုံးသပ်သင့်ပါတယ် . . .
________________________________________
“JV/ BOT စနစ်တွေနဲ့ ဆောင်ရွက်မယ့် စီမံကိန်းတော်တော်များများရဲ့ ခန့်မှန်း စက်တပ်ဆင်အင်အားတွေ ဟာ လုံလောက်တဲ့ အချိန်ယူပြီး အသေးစိတ်စူးစမ်း လေ့လာမှုမရှိဘဲ ကိန်းဂဏန်း များကို စတိအဖြစ် ဖော်ပြလျက်၊ စီမံကိန်းစနစ်ချမှတ်ခြင်း၊ အခြေခံကျင့်သုံးမယ့် ဒီဇိုင်းပုံစံစနစ်၊ လုပ်ငန်းပမာဏတွေကို အကြမ်းဖျင်းခန့်မှန်း တွက်ချက်တာတွေကို ကျင့်သုံးလျက်ရှိနေတာ တွေ့ရပါတယ်။ တည်ဆောက်ရေး နည်းစနစ်အပိုင်းတွေ၊ စီမံကိန်းဒေသ မှာတည်ဆောက်ရေးပစ္စည်းတွေ လွယ်ကူ လုံလောက်စွာရရှိနိုင်မှု၊ ဓာတ်အား ဖြန့်ဖြူး မဟာဓာတ်အားလိုင်း တိုတောင်း၍ ဆက်သွယ်လွယ်ကူမှု စတာတွေကိုလည်း ထည့်သွင်းတွက်ချက်ဖို့ လိုပါတယ်။ စီမံကိန်းတစ်ခုချင်းစီရဲ့ တစ်မဂ္ဂါဝပ် ကုန်ကျစရိတ်ဟာ အမေရိကန်ဒေါ်လာ တစ်သန်းကနေ သုံးသန်းအတွင်းမှာ အမျိုးမျိုးဖော်ပြတာ တွေ့ရပါတယ်။ ဒါတွေဟာ ယုတ္တိတန်မှု မရှိပါဘူးလို့ သုံးသပ်မိပါတယ်။ တစ်မဂ္ဂါဝပ် ကုန်ကျစရိတ်ဟာ အမေရိကန်ဒေါ်လာ ၂ ဒသမ ၅ သန်းထက်ပိုတဲ့စီမံကိန်းတွေ နိုင်ငံတကာမှာ မရှိသလောက် ဖြစ်ပါတယ်။ ဒါကြောင့် ဒီလိုစီမံကိန်းတွေကို တကယ်အကျိုးရှိတဲ့ စီမံကိန်းမျိုးဖြစ်အောင် ပြန်လည် သုံးသပ်သင့်ပါတယ်” ဟု အမျိုးသားလွှတ်တော် ကိုယ်စားလှယ် ဦးမျိုးမြင့်က ပြောကြားခဲ့သည်။
လျှပ်စစ်ဓာတ်အားရရှိမှု အခက်အခဲများ ဖြစ်ပေါ်မှု ဖြေရှင်းနိုင်ရန်အတွက် အကြီးစားစီမံကိန်းများကို နှစ်ရှည်ရင်း နှီးမြှုပ်နှံမှု အစီအစဉ်အရ ဦးစားပေး သတ်မှတ်ဆောင်ရွက်သင့်သကဲ့သို့၊ မြန်ဆန်စွာ အကောင်အထည် ဖော်နိုင်ပြီး သဘာဝပတ်ဝန်းကျင် ထိခိုက်မှုမရှိသည့် ပြန်လည်ပြည့်ဖြိုးမြဲ စွမ်းအင်ဖြစ်သည့် အသေးစား ရေအားလျှပ်စစ် စီမံကိန်းများကို ဦးစားပေး အကောင်အထည်ဖော်ရန် လိုအပ်ကြောင်း တရုတ်နိုင်ငံမှ ပညာရှင်တစ်ဦးက ပြောဆိုခဲ့ဖူးကြောင်း သိရသည်။
ဖွံ့ဖြိုးပြီးနိုင်ငံများဖြစ်သည့် ဂျပန်၊ တရုတ်နှင့် အိန္ဒိယနိုင်ငံများသည်လည်း လျှပ်စစ်အခက်အခဲကို ဖြေရှင်းနိုင်ရန် အတွက် အသေးစားရေအား လျှပ်စစ်စီမံကိန်းများကို တည်ဆောက်၍ ဖြေရှင်းခဲ့ကြပြီး မြန်မာနိုင်ငံတွင်လည်း အသေးစား ရေအားလျှပ်စစ် စီမံကိန်းများ တည်ဆောက်ထုတ်လုပ်နိုင်သည့် နေရာများစွာရှိကြောင်း သိရသည်။
လျှပ်စစ်ဓာတ်အား ထုတ်လုပ်နိုင်ရန်အတွက် ရေအားလျှပ်စစ်စီမံကိန်းများအပြင် ကျောက်မီးသွေးသုံး ဓာတ်အား ပေးစက်ရုံ၊ သဘာဝဓာတ်ငွေ့သုံး ဓာတ်အားပေးစက်ရုံများဖြင့် ထုတ်လုပ်ဖြန့်ဖြူးနေပြီး သာကေတ၊ လှော်ကား၊ ရွာမ နှင့် ကျောက်ဖြူမြို့နယ်များတွင် စက်ရုံသစ်များတည်ဆောက်၍ ထုတ်လုပ် ဖြန့်ဖြူးသွားရန်ရှိကြောင်း သိရသည်။
အမျိုးသားလွှတ်တော် ကိုယ်စားလှယ်ဦးမျိုးမြင့်က နိုင်ငံတော်၏ ရင်းနှီးမြှုပ်နှံမှု၊ ပြည်တွင်းတိုင်းရင်းသားများ ၏ ရင်းနှီးမြှုပ်နှံမှုနှင့် နိုင်ငံခြားကုမ္ပဏီများ၏ အကျိုးတူပူးပေါင်းရင်းနှီးမြှုပ်နှံမှု အစီအစဉ်များဖြင့် လျှပ်စစ်စီမံကိန်းများကို အကောင်အထည် ဖော်ရာတွင် ထိရောက် အကျိုးရှိစေရန် ဟန်ချက် ညီညီဆောင်ရွက်နိုင်ရေး ပြန်လည် သုံးသပ်သင့်ကြောင်း အဆိုနှင့်လျှပ်စစ် ဖွံ့ဖြိုးမှုမြန်ဆန်စွာ အထောက်အကူပြုမည့် အသေးစား ရေအားလျှပ်စစ်ကဏ္ဍ ပုံဖော်မှု အစီအစဉ်ကို လက်တွေ့ကျကျ အကောင်အထည်ဖော် ဆောင်ရွက် သွားရန် အဆိုများအား တင်သွင်းခဲ့ရာ အမျိုးသားလွှတ်တော်တွင် လက်ခံဆွေးနွေးရန် သဘောတူခဲ့သည်။(EMG သတင်းမှကူးယူသည်)
