ဂျပန်နိုင်ငံ၏
ဘဏ္ဍာရေး အဖွဲ့အစည်း တစ်ခု ဖြစ်သော Daiwa Securities Group သည် မြန်မာ
အစိုးရအတွက် သတင်း အချက်အလက်နှင့် နည်းပညာ ဆက်သွယ်ရေး ကဏ္ဍတွင် ဒေါ်လာသန်း ၃၈၀
ခန့် ရင်းနှီး မြှုပ်နှံသွားရန် ရှိနေကြောင်း ရိုက်တာသတင်းဌာနက ဖော်ပြသည်။
ဒိုင်ဝါအုပ်စု ကုမ္ပဏီသည် မြန်မာနှင့် ယခင်ကပင် ချိတ်ဆက်မှုများ ရှိခဲ့ပြီး
မြန်မာနိုင်ငံတွင်း၌လည်း စတော့အိတ်ချိန်းတစ်ခု တည်ထောင်ပေးရန်အတွက်
နည်းပညာပိုင်း အကူအညီပေးရန် ရွေးချယ်ခံထားရသည်။ယခု အင်တာနက်ကျောရိုး backbone တစ်ခု တည်ဆောက်မည့် စီမံကိန်းတွင် နာမည်ကျော် ဂျပန် နည်းပညာ ကုမ္ပဏီကြီးများ ဖြစ်သော Panasonic၊ Toshiba၊ Hitachi၊ NEC နှင့် KDDI တို့ကလည်း နည်းပညာနှင့် ဝန်ဆောင်မှုပိုင်း ပါဝင်ကူညီ ထောက်ပံ့ရန် စိတ်ဝင်စားကြောင်း ဒိုင်ဝါ သုတေသန အင်စတီကျုဒ်၌ ဥက္ကဋ္ဌ တာကာရှီဖူကိုင်းက ပြောသည်။ ရိုက်တာသတင်းနှင့် အင်တာဗျူးတွင် “ကျွန်တော်တို့ဟာ မြန်မာနိုင်ငံမှာ ဂျပန်ကုမ္ပဏီအားလုံး ပါဝင်တဲ့ နည်းလမ်းနဲ့ (ရင်းနှီးမြှုပ်နှံမှု) လုပ်ဆောင်သွားတော့မှာပါ” ဟု ၎င်းက ပြောသည်။ သို့သော် မိတ်ဖက် ကုမ္ပဏီများအဖြစ် ပါဝင်ပူးပေါင်းရန် စိတ်ဝင်စားနေသည်ဟု ဖော်ပြခဲ့သော ကုမ္ပဏီများကမူ ယခုသတင်းနှင့် ပတ်သက်၍ မှတ်ချက်ပေးရန် ငြင်းဆန်ထားသည်။ ဒိုင်ဝါ၏ ယခုစီမံကိန်းသည် နိုင်ငံတွင်းရှိ အစိုးရဝန်ကြီးဌာန အားလုံးနှင့် ကျောင်းများ၊ ဆေးရုံများ အားလုံးကို cloud computing နည်းပညာဖြင့် ကွန်ရက် ချိတ်ဆက်နိုင်စေမည် ဖြစ်ပြီး ယင်းကွန်ပျူတာ နည်းပညာမှာ အစဉ်အလာအတိုင်း အသုံးပြုသော ဆာဗာအခြေခံ server-based systems စနစ်များထက် ပိုမိုမြန်ဆန်ကာ စရိတ်သက်သာစေမည် ဖြစ်သည်။
မစ္စတာဖူကိုင်းက “cloud နည်းပညာ အခြေပြု ကွန်ရက်စနစ်ဟာ ကုန်ကျစရိတ် ယန်း ၃၀ ဘီလီယံ ရှိမယ်လို့ မျှော်လင့်ရပြီး ဗဟိုဘဏ်ရဲ့ နေပြည်တော်ဌာနချုပ်၊ ရန်ကုန်ဌာနခွဲနဲ့ မန္တလေးဌာနခွဲတွေမှာ စတင် လုပ်ကိုင်သွားမှာပါ” ဟု ပြောသည်။ ဒိုင်ဝါအုပ်စု၏ ယခု ရင်းနှီးမြှုပ်နှံမှုသည် ပြီးခဲ့သည့် မေလက မြန်မာနိုင်ငံတွင် စတော့အိတ်ချိန်းတစ်ခု စတင် ဖော်ဆောင်ရန် သဘောတူညီချက် ရအပြီး စီးပွားရေး ပူးပေါင်းဆောင်ရွက်မှုတွင် ဒုတိယမြောက် မဟာဗျူဟာ စီမံကိန်းလည်း ဖြစ်သည်။ ယခုအခါ Fujitsu နှင့် NTTData ကုမ္ပဏီများကလည်း ဂျပန် နိုင်ငံတကာ ပူးပေါင်းဆောင်ရွက်ရေး အေဂျင်စီ JICA ၏ ရန်ပုံငွေဖြင့် မတည် ဆောင်ရွက်နေသော မြန်မာ့ဘဏ် အချင်းချင်း ချိတ်ဆက်မှု ကွန်ရက်စနစ် intrabank settlement system ကို စတင် လေ့လာနေသည်။ မစ္စတာဖူကိုင်းက မြန်မာ့စတော့အိတ်ချိန်းကို လုပ်ငန်း အပြည့်အဝ လည်ပတ်သော ကုန်သွယ်ရေး ဗဟိုဌာနတစ်ခု အဖြစ်သို့ ရောက်ရှိအောင် ယန်းနှစ်ဘီလီယံခန့် အကုန်အကျခံ ဆောင်ရွက်ရမည်ဟု ဆိုသည်။ အဆိုပါ စတော့အိတ်ချိန်းကို ၂၀၁၅ တွင် လည်ပတ်နိုင်အောင် ဆောင်ရွက်သွားမည်ဟု သိရသည်။
ဒိုင်ဝါသည် စတော့အိတ်ချိန်းတွင် ပါဝင်ရန်အတွက် မြန်မာကုမ္ပဏီ ၂၀ ကျော်ခန့်ကို ချဉ်းကပ်နေပြီး ယင်းတွင် ဓာတ်ငွေ့ကုမ္ပဏီတစ်ခု၊ သတ္တုတူးဖော်ရေး ကုမ္ပဏီတစ်ခုနှင့် စိုက်ပျိုးရေးလုပ်ငန်း တစ်ခုတို့ ပါဝင်သည်။ မစ္စတာဖူကိုင်းက ယင်းအိတ်ချိန်းတွင် ၂၀၂၀ ပြည့်နှစ် အရောက်၌ ကုမ္ပဏီပေါင်း ၁၈၀ မှ ၃၀၀ ခန့် ပါဝင်လာမည်ဟု ခန့်မှန်းထားပြီး ထိုကာလတွင် စီမံကိန်းမှ အကြမ်းဖျင်း အမြတ်ငွေ ယန်းတစ်ဘီလီယံခန့် ပြန်ရမည်ဟု ဆိုသည်။ ဒိုင်ဝါအုပ်စုသည် လာမည့် အောက်တိုဘာလမှ စ၍ မြန်မာနိုင်ငံရှိ ဆော့ဖ်ဝဲကုမ္ပဏီ ACE Data Systems နှင့် ပူးပေါင်းကာ ဖက်စပ် ကုမ္ပဏီတစ်ခု တည်ထောင်ရန်လည်း စီစဉ်ထားသည်။ ACE ကုမ္ပဏီမှာ မြန်မာနိုင်ငံ ကွန်ပျူတာအသင်းချုပ် ဥက္ကဋ္ဌ ဦးသိန်းဦး တည်ထောင်ထားခြင်း ဖြစ်ပြီး ၎င်း၏ ဆက်သွယ်ပေးမှုများကြောင့် ဒိုင်ဝါအုပ်စုသည် မြန်မာနိုင်ငံတွင်း လုပ်ငန်းများ လာရောက် လုပ်ကိုင်ခဲ့ခြင်းဖြစ်ကြောင်း သိရသည်။
Ref:Reuters
.
