Wednesday, August 21, 2013

***မိထ္ထီလာတွင် လူ့အခွင့်အရေးကိုယ်စားလှယ် ဆန္ဒပြ တားမြစ်ခံရ***

နော်နိုရင်း DVB ၂၀ သြဂုတ်လ ၂၀၁၃

မြန်မာနိုင်ငံရဲ့ လူ့အခွင့်အရေးအခြေအနေတွေကို လေ့လာအကဲဖြတ်ဖို့ ရောက်ရှိနေတဲ့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ ကင်တားနားဟာ မန္တလေးတိုင်း မိထ္တိလာမြို့ကို သွားရောက်စဉ် ဒေသခံတွေရဲ့ ဆန္ဒပြမှုနဲ့ တားမြစ်မှုကို ခံခဲ့ရပါတယ်။
မစ္စတာ ကင်တားနားဟာ သြဂုတ် ၁၉ ရက်နေ့က ရှမ်းပြည်နယ် နမ့်ဆန်၊ သီပေါနဲ့ မန္တလေးတိုင်း မေမြို့၊ မန္တလေးမြို့သွားရောက်ခဲ့ပြီး မိထ္ထီလာမြို့ကို ညဘက် ၁၀ နာရီကျော်မှာ ရောက်ရှိခဲ့တာပါ။
ဒေသခံတွေက ကင်တားနားကို အိတ်ဖွင့်ပေးစာပေးအပ်ခဲ့ရာမှာ လက်မခံခဲ့တဲ့အတွက် တားမြစ်ခဲ့တာလို့ အဲဒီနေရာကို ရောက်ရှိခဲ့တဲ့ ၈၈ မျိုးဆက်ဖွဲ့က ကိုထိန်မင်းခိုင်က ပြောပါတယ်။
“မိတ္ထီလာမြို့အလယ်က တံတားကြီးအပေါ်မှာ ရပ်ပြီး မစ္စတာ ကင်တားနား ၀င်အလာကို ဆန္ဒပြတယ်။ ပြီးတော့ အာဏာပိုင်အဖွဲ့အစည်းတွေနဲ့ တွေ့ပြီး ပြန်အထွက်မှာ အိတ်ဖွင့်ပေးစာ ပေးဖို့ ကျနော်တို့လုပ်ခဲ့တယ်။ အိတ်ဖွင့်ပေးစာ ပေးတာကို သူက လက်မခံတဲ့အတွက် ရှေ့ကနေပြီး ပိတ်ထားတာမျိုးရှိတယ်။ နောက်ပိုင်း သူလက်ခံသွားတယ်။ လက်မခံသေးတဲ့အချိန်လေးပဲ ခဏတဖြုတ် ပိတ်ထားတဲ့သဘောပါ၊ ပြန်အထွက်မခံဘူးပေါ့။”
မစ္စတာကင်တားနားဟာ မိတ္ထီလာကို ရောက်ရှိချိန် နောက်ကျတဲ့အတွက် ပဋိပက္ခကြောင့် ဖွင့်ထားခဲ့တဲ့ ဒုက္ခသည်စခန်းတွဆီ မသွားနိုင်တော့ဘဲ မြို့ခံအုပ်ချုပ်ရေးအဖွဲ့နဲ့တွေ့ဆုံပြီး နေပြည်တော်ကို ခရီးဆက်ခဲ့တယ်လို့ ဆိုပါတယ်။
ကင်တာနားဟာ မြန်မာပြည်ကနေ မထွက်ခင် သြဂုတ် ၂၁ ရက်နေ့မှာ သတင်းစာရှင်းလင်းပွဲ ပြုလုပ်မှာ ဖြစ်ပါတယ်။ မြန်မာပြည် ခရီးစဉ်အတွင်း လူ့အခွင့်အရေး အခြေအနေနဲ့ ပတ်သက်လို့ လေ့လာတွေ့ရှိချက်တွေကို လာမယ့် အောက်တိုဘာ ကျင်းပမယ့် ကုလသမဂ္ဂအ ထွေထွေညီလာခံကြီးမှာ အစီရင်ခံစာ တင်မှာ ဖြစ်ပါတယ်။