လက်ပန်းတောင်း ကြေးနီစီမံကိန်း လုံးဝဖျက်သိမ်းရေး တောင်းဆို၊ သမ္မတရုံးဝန်ကြီး သွားရောက်မေးမြန်း

စစ်ကိုင်းတိုင်း မုံရွာခရိုင် ဆားလင်းကြီးမြို့နယ်တွင်းက လက်ပန်းတောင်းတောာင် ကြေးနီစီမံကိန်းကို လုံးဝဖျက်သိမ်းပစ်လိုက်ဖို့ ဆန္ဒပြသမားတွေက နိုင်ငံတော်သမ္မတ ဦးသိန်းစိန်ထံ အဆင့်တိုးပြီး တောင်းဆိုလိုက်ပါတယ်။

စီမံကိန်းဝန်းကျင်က ရွာသားတွေ၊ ကျောင်းသားတွေ၊ သံဃာတော်တွေ ပူးပေါင်းပါဝင်တဲ့ ဆန္ဒပြသမားတွေဟာ သပိတ်စခန်းလေးခု လှစ်ထားပြီး ဒီနေ့ လက်ပန်းတောင်းတောင် ကြေးနီစီမံကိန်း ဖျက်သိမ်းရေး အထွေထွေသပိတ်ကော်မတီအစည်းအဝေးမှာ တညီတညွတ်တည်း ဒီတောင်းဆိုချက်ကို ဆုံးဖြတ်ခဲ့တာလို့ ပြောခွင့်ရသူ ဗကသ (မုံရွာ) ကျောင်းသား ကိုရဲရင့်ကျော်က ပြောပါတယ်။

ကိုရဲရင့်ကျော်က “ကြေးနီစီမံကိန်း လုံးဝဖျက်သိမ်းရေးကို ကျနော်တို့ တောင်းဆိုပါတယ်။ နိုင်ငံတော်အဆင့်ကို တောင်းဆိုပါတယ်။ အဲဒီဖျက်သိမ်းရေးကို လာပြီးညှိနှိုင်းမယ့် ပုဂ္ဂိုလ်ကလည်း ပြည်ထောင်စုအဆင့်နဲ့ ဒီကိစ္စကို လုံးဝဆုံးဖြတ်ပေးနိုင်သူပဲ လာပြီးတော့ ညှိနှိုင်းမှုကို လက်ခံပါတယ်။ သပိတ်မှောက်တဲ့သူတွေအနေနဲ့ ၃၀ ရက်နေ့ကို နောက်ဆုံးထားပြီးတော့ ကျနော်တို့ကို အကြောင်းပြန်ပေးဖို့ စာတင်ပါတယ်။ ၃၀ ရက်နေ့မှ အကြောင်းမပြန်ဘူးဆိုရင် နိုင်ငံတော်အစိုးရရဲ့ တာဝန်သာဖြစ်သည်ဆိုပြီး စာတင်မှာဖြစ်ပါတယ်” လို့ ပြောပါတယ်။

ဒီစီမံကိန်းကိစ္စကို တိုင်းဒေသကြီးအဆင့်နဲ့ မဆုံးဖြတ်နိုင်လို့ သမ္မတကို ဖြေရှင်းပေးဖို့ တောင်းဆိုမှာပါလို့ ပြောပါတယ်။

သပိတ်စခန်းတခုမှာ ရောက်ရှိဆန္ဒထုတ်ဖော်နေတဲ့ ပခုက္ကူမြို့က ဦးပဉ္စင်းတပါးက လယ်တီဆရာတော်ဘုရားရဲ့ သိမ်ပါတဲ့အတွက် ဘာသာရေးအရ ငြိမ်းငြိမ်းချမ်းချမ်း ဆန္ဒထုတ်ဖော်တာလို့ မိန့်ပါတယ်။

လက်ပန်းတောင်းတောင် ကြေးနီစီမံကိန်းဟာ နိုင်ငံတော်စီမံကိန်းဖြစ်ပြီး တရုတ်ဝမ်ပေါင်ကုမ္ပဏီနဲ့ ဦးပိုင်ကုမ္ပဏီတို့ အစုရှယ်ယာထည့်ဝင် လုပ်ကိုင်နေတာဖြစ်ပါတယ်။ ဒီကြေးနီစီမံကိန်းတွေကြောင့် မြေဧက ၈၀၀၀ နီးပါး သိမ်းဆည်းခံရပါတယ်။

ကနဦးပိုင်း ထုတ်လုပ်မှုတွေအရ တောင်တလုံး ပျောက်ကွယ်ခဲ့သလို ထပ်မံပျောက်မယ့်အခြေအနေ၊ သဘာဝပတ်ဝန်းကျင်ထိခိုက်မှုနဲ့ ရှေးဟောင်း လယ်တီဆရာတော်ဘုရားရဲ့ ကျောင်းဆောင် စီမံကိန်းနယ်မှာ ပါတာတွေအပြင် ဒေသခံတွေရဲ့ အလုပ်အကိုင်၊ နေရေး စတာတွေကို ထောက်ပြပြီး လွန်ခဲ့တဲ့ လအတန်ကြာကတည်းက စီမံကိန်းကို ရပ်တန့်ဖို့ ဆန္ဒပြပွဲတွေ လုပ်နေတာပါ။

ကုမ္ပဏီတွေဘက်ကတော့ ရပ်နားမှာ မဟုတ်ဘူးလို့ တုံ့ပြန်ပြောဆိုထားပါတယ်။ ဒီနောက် သိပတ်စခန်းဖွင့်လှစ် ဆန္ဒပြနေတာလည်း ဖြစ်ပါတယ်။

ဆက်လက်ပြီး ဒီနေ့ကျင်းပတဲ့ ပြည်သူ့လွှတ်တော်အစည်းအဝေးမှာလည်း လက်ပန်းတောင်းတောင်စီမံကိန်းကို စုံစမ်းရေးကော်မရှင်ဖွဲ့စည်းပြီး ပြန်လည်သုံးသပ်ဖို့ အရေးကြီးအဆိုတင်တဲ့အပေါ် ကန့်ကွက်သူမရှိ အတည်ပြုလိုက်တယ်လို့ လွှတ်တော်ကိုယ်စားလှယ် ဦးရဲထွန်းက ပြောပါတယ်။

ညနေ ၅ နာရီမထိုးခင်မှာတော့ နိုင်ငံတော်သမ္မတရုံးဝန်ကြီး ဦးအောင်မင်းဟာ သပိတ်စခန်းဖွင့်လှစ်ထားရှိရာ လက်ပန်းတောင်းတောင် သပိတ်စခန်းကိုရောက်ရှိလာပြီး သပိတ်စခန်းက တာဝန်ရှိသူတွေကို တွေ့ဆုံပြီး လိုလားချက်တွေ မေးမြန်းနေတယ်လို့ အဲဒီနေရာမှာ ရောက်ရှိနေတဲ့ ၈၈ မျိုးဆက်ကျောင်းသားများအဖွဲ့က ကိုမျိုးသန့်က ပြောပါတယ်။

အေးချမ်းမွန်မှ DVB TV Newsတွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်။