ဒေါ်အောင်ဆန်းစုကြည် လွတ်မြောက်မှုနှင့်ပတ်သက်၍ ပြောစကားများ

ဒေါ်အောင်ဆန်းစုကြည် လွတ်မြောက်လာမှု အပေါ် ကမ္ဘာ့ခေါင်းဆောင်များ၏ ပြောကြားချက်များမှ ကောက်နုတ်ချက်အချို့

"သူဟာ ကျွန်တော့်အတွက် သူရဲကောင်းတစ်ဦးပါ။ သူဟာ ဗမာ(မြန်မာ)ပြည်နဲ့ ကမ္ဘာတစ်ဝန်းမှာ လူ့အခွင့်အရေးရရှိဖို့ လှုပ်ရှားနေသူ အားလုံးအတွက်  စေ့ဆော်ပေးနိုင်တဲ့သူပါ။ အောင်ဆန်းစုကြည် လွတ်မြောက်လာမှုအတွက် အမေရိကန်ပြည်ထောင်စုက ကြိုဆိုပါတယ်"
- အမေရိကန်သမ္မတ အိုဘားမား

"သက်ဆိုင်သူအားလုံးပါဝင်တဲ့ ဆွေးနွေးပွဲသစ်တစ်ခု စတင်သင့်ပါတယ်။ အောင်ဆန်းစုကြည် အပါအ၀င် အခြားဒီမိုကရက်နှင့် တိုင်းရင်းသား လူမျိုးစုခေါင်းဆောင်များပါဝင်သော စေ့စပ်ဆွေးနွေးမှုစတင်ပြီး အမျိုးသား ရင်ကြားစေ့ရေးနဲ့ ငြိမ်းချမ်းသော၊ ဖွံ့ဖြိုးတိုးတက်ပြီး ဒီမိုကရေစီနည်းလမ်းကျသော အနာဂတ်အတွက် ပြုလုပ်သင့်ကြောင်း ကျွန်မတို့အမေရိကန်ပြည်ထောင်စုက တိုက်တွန်းပါတယ်"
- အမေရိကန် နိုင်ငံခြားရေးဝန်ကြီး ဟီလာရီကလင်တန်

"တရားမမျှတမှုရင်ဆိုင်နေရချိန်တွင်ပင် သူမ၏ လေးစားစရာကောင်းသော စိတ်ထားတည်ငြိမ်မှုနှင့် စိတ်ဓာတ်ခိုင်မာမှုမှာ ကမ္ဘာတစ်ဝန်းမှ လူအများအတွက် စံနမူနာတစ်ခုဖြစ်စေခဲ့သည်။ သူမအပေါ် မည်သည့်ကန့်သတ်ချက်မျှ ထပ်မံမထားရှိရန် ကုလသမဂ္ဂအတွင်းရေးမှူးချုပ်က မျှော်လင့်နေပါသည်။ ယခုလွှတ်ပေးမှုကို အကြောင်းပြု၍ တိုးတက်မှုတစ်ခုအဖြစ် မှတ်ယူကာ ကျန်ရှိနေသော နိုင်ငံရေးအကျဉ်းသားအားလုံးကို မြန်မာအာဏာပိုင်များက ပြန်လွှတ်ပေးရန် ကုလသမဂ္ဂ အတွင်းရေးမှူးချုပ်က တိုက်တွန်းခဲ့သည်။"
- (ကုလသမဂ္ဂပြောခွင့်ရ ပုဂ္ဂိုလ်တစ်ဦးက ထုတ်ပြန်ခဲ့သော အစီရင်ခံစာဖြစ်သည်။)

"လွတ်လပ်စွာပြောဆိုခွင့်၊ ဒီမိုကရေစီနဲ့ လူ့အခွင့်အရေးကိစ္စတွေအပေါ် ယုံကြည်မှုရှိတဲ့ ကျွန်တော်တို့လိုလူတွေအတွက် အောင်ဆန်းစုကြည်က စေ့ဆော်မှုပေး နိုင်ပါတယ်။  လွတ်လပ်ခွင့်ဟာ အောင်ဆန်းစုကြည်ရဲ့ အခွင့်အရေးပါ။ ဗမာ (မြန်မာ) အစိုးရအနေနဲ့ ဒီလိုကောင်းမွန်တဲ့လုပ်ရပ်ကို ထောက်ခံအားပေးရပါမယ်"
- ဗြိတိန်ဝန်ကြီးချုပ် ဒေးဗစ်ကင်မရွန်း

"ပြင်သစ်နိုင်ငံက အောင်ဆန်းစုကြည်လွတ်မြောက်လာမှုနဲ့ပတ်သက်ပြီး အခြေအနေတွေကို အနီးကပ်စောင့်ကြည့် နေပါတယ်။ သူမရဲ့ လွတ်လပ်စွာ သွားလာလှုပ်ရှားမှုနဲ့ သဘောထား ဖော်ထုတ်ခွင့်အပေါ် ဟန့်တားတဲ့ ဘယ်လုပ်ရပ်မဆို သူ့အခွင့်အရေးကိုငြင်းပယ်တဲ့၊ လက်မခံနိုင်တဲ့ လုပ်ရပ်အဖြစ် မှတ်ယူသွားမှာပါ"
- ပြင်သစ်သမ္မတ နီကိုလပ်ဆာကော်ဇီ

"အောင်ဆန်းစုကြည်သည် လူ့အခွင့်အရေးရရှိရေးအတွက် ကမ္ဘာတစ်ဝန်း တိုက်ပွဲဝင်နေသူများအတွက် အမှတ်သင်္ကေတတစ်ခု ဖြစ်သည်။ သူမ၏ အကြမ်းမဖက်လှုပ်ရှားမှုနှင့် အာဃာတမဲ့သော စိတ်ထားကြောင့် စံပြပုဂ္ဂိုလ်တစ်ဦး အဖြစ် တွန်းပို့ပေးခဲ့သည်။"
- (ဂျာမနီဝန်ကြီးချုပ် အင်ဂျလာမာကယ် ပြောကြားချက်ကို အစိုးရက ထုတ်ပြန်ခဲ့သော အစီရင်ခံစာဖြစ်သည်။)

"နေအိမ်အကျယ်ချုပ်ကနေ အောင်ဆန်းစုကြည် ပြန်လွှတ်လာလို့ ကျွန်တော်ဝမ်းမြောက်မိပါတယ်။ သတ္တိနဲ့မျှော်လင့်ချက်အမှတ် သင်္ကေတ တစ်ခုအဖြစ်ရှိနေချိန်မှာ အောင်ဆန်းစုကြည်ဟာ အနှစ် ၂၀ ကျော် ထိန်းသိမ်းခံထားရတယ်။ အခုအချိန်မှာ အောင်ဆန်းစုကြည်ဟာ လွတ်လပ်စွာ သွားလာခွင့်နဲ့ ဖော်ထုတ်ပြောဆိုခွင့်၊ နိုင်ငံရေးလှုပ်ရှားမှုတိုင်းမှာ အပြည့်အ၀ပါဝင်နိုင်ခွင့်ရဖို့ အရေးကြီးပါတယ်။ နိုင်ငံရေးလှုပ်ရှားမှုနဲ့ပတ်သက်ပြီး ဖမ်းဆီးထိန်းသိမ်း ခံထားရတဲ့ အခြားပြည်သူတွေအားလုံးကိုလည်း ခြွင်းချက်မရှိ လွှတ်ပေးဖို့လည်း ကျွန်တော်တောင်းဆိုပါတယ်။"
- ကုလသမဂ္ဂ လူ့အခွင့်အရေး ကော်မရှင်နာ နာဗီပီလ်လေး


ဒေါ်အောင်ဆန်းစုကြည် လွတ်မြောက်မှုနှင့်ပတ်သက်၍ ပြောစကားများ(မြန်မာပြည်မှ)

အခုဒေါ်အောင်ဆန်းစုကြည် လွတ်လာတယ်ဆိုတာ အင်မတန်ဝမ်းသာစရာကောင်းတဲ့ မင်္ဂလာရှိတဲ့ သတင်းဖြစ်ပါတယ်။ တစ်တိုင်းပြည်လုံး တင်မကဘူး တစ်ကမ္ဘာလုံးကလည်းပဲ ၀မ်းမြောက်ဝမ်းသာကြိုဆိုကြမှာပါ။ သူအခု လွတ်လာတဲ့အချိန်ဟာ အင်မတန် အချိန်ကောင်းလို့ ဆရာတော့ ယူဆတယ်။ ဒေါ်အောင်ဆန်းစုကြည်လွတ်လာတဲ့ သတင်းဟာ အခြေအနေတွေကို အဆိုးကနေအကောင်းဘက်ကို ပြောင်းသွားနိုင်တဲ့ အခြေအနေမျိုးဖြစ်တယ်။ အခွင့်အရေးကိုသာ ရယူတတ်မယ်ဆိုရင် ဒါဟာတိုင်းပြည်အတွက် အင်မတန်ကောင်းတဲ့ အခွင့်အရေးတစ်ရပ် ဖြစ်နိုင်ပါတယ်။  ဘာကြောင့်လည်း ဆိုတော့အခုလို ရွေးကောက်ပွဲနဲ့ပတ်သက်ပြီး  မခံချိမခံသာဖြစ်နေကြတဲ့၊ ရွေးကောက်ပွဲဝင်ခဲ့တဲ့ နိုင်ငံရေးပါတီတွေ၊ တစ်သီးပုဂ္ဂလတွေ၊ မဲဆန္ဒရှင်ပြည်သူတွေအားလုံးဟာ ဒေါ်အောင်ဆန်းစုကြည်ကို ဗဟိုပြုပြီးတော့ ၀န်းရံပြီးတော့ လာကြပါလိမ့်မယ်။ အဲလိုဆိုလို့ရှိရင် ဒါဟာတိုင်းပြည်အတွက် အင်မတန်အရေးကြီးတဲ့ အမျိုးသားအင်အားစုကြီး တစ်ရပ်ပေါ်ထွန်းပြီးတော့ လာနိုင်တယ်။ ဒီအခွင့်အရေးကို ဒေါ်အောင်ဆန်းစုကြည် ရအောင်ယူစေချင်တယ်။ ဒီအခွင့်အရေးရအောင်ယူပြီးတော့ ခိုင်မာတဲ့ အမျိုးသားအင်အားစုကြီးတစ်ရပ်ကို စုစည်းနိုင်ခဲ့ရင် နောင်ဖြစ်လာမယ့် အစိုးရအနေနဲ့က လွှတ်တော်အတွင်းရော၊ လွှတ်တော်အပြင်ရော  အင်အားစုတွေ၊ နိုင်ငံရေးပါတီတွေအပြင် ဒေါ်အောင်ဆန်းစုကြည်ကို ဗဟိုပြုပြီးတော့ ၀န်းရံနေတဲ့ အမျိုးသားအင်အားစုကြီးနဲ့ စကားမပြောဘဲကိုပဲ နေလို့မရဘူးဆိုတဲ့ အခြေအနေမျိုးဖြစ်လာပါလိမ့်မယ်။ အဲလိုဆိုလို့ရှိရင် ဆရာတို့က ဒေါ်အောင်ဆန်းစုကြည်ဟာ အစိုးရနဲ့ဆွေးနွေးပြီးတော့ အစိုးရကလည်းပဲ တကယ်အမျိုးသားအင်အားစုကြီးကို လစ်လျူရှုမထားဘဲ တိုင်းပြည်ကောင်းကျိုးအတွက် ဆွေးနွေးမယ်ဆိုလို့ရင် ဆရာတို့တိုင်းပြည်မှာ ဘယ်တုန်းကမှမရဘူးသေးတဲ့ အမျိုးသားညီညွတ်ရေးကြီး တစ်ရပ်ပေါ်ထွန်းနိုင်ပါလိမ့်မယ်။ တပ်မတော်အတွင်းကလည်း အမျိုးသားညီညွတ်ရေးရယူနိုင်မယ့် အင်အားစုတွေ၊ ငြိမ်းချမ်းပြီး တိုးတက်ချင်တဲ့ အင်အားစုတွေ တပ်မတော် အတွင်းမှာလည်း အများကြီးရှိပါလိမ့်မယ်။ တပ်မတော်အတွင်းက အင်အားစုတွေကလည်း အမျိုးသားညီညွတ်ရေးအတွက် တွန်းအားပေးလိမ့်မယ်လို့ ထင်တယ်။ အဲသလိုဆိုရင် အမျိုးသားညီညွတ်ရေး၊ ငြိမ်းချမ်းရေးဟာ မဖြစ်နိုင်စရာမရှိပါဘူး။ ငြိမ်းချမ်းတဲ့နည်းနဲ့ ပန်းတိုင်ကိုရောက်အောင်သွားနိုင်တဲ့ အခွင့်အရေးကို ဒေါ်အောင်ဆန်းစုကြည်အနေနဲ့ အမိအရ ဆုပ်ကိုင်နိုင်မယ်လို့ မျှော်လင့်ပါတယ်။
လူထုစိန်ဝင်း
တစ်ကယ်ဝမ်းသာပါတယ်။ အများကြီးလုပ်နိုင်လိမ့်မယ်လို့ ထင်ပါတယ်။
ကာတွန်းအော်ပီကျယ်

အရမ်းဝမ်းသာတယ်ဗျာ ကျွန်တော်တို့ မျှော်လင့်ချက်ရှိလာပြီ။

ဦးမောင်မောင်နိုင် (ပုံနှိပ်လုပ်ငန်းလုပ်ကိုင်သူ)

အရင်တုန်းကတော့ ငယ်သေးလို့ ဒေါ်အောင်ဆန်းစုကြည် လွတ်တယ်ဆိုရင် သတိမထားမိဘူး။ အခုတော့ ကျွန်တော်အပါအ၀င် လူငယ်အတော်များများက မျှော်လင့်ချက် ထားနေကြပါတယ်။ ရွေးကောက်ပွဲဟာ အပြောင်းအလဲတွေ ဖြစ်ပေါ်နိုင်တဲ့ နည်းလမ်း မဟုတ်ဘူးဆိုတာ ကျွန်တော်တို့ လူငယ်တွေ ကိုယ်တွေ့ကြုံပြီးတဲ့ နောက်ပိုင်း ဒေါ်အောင်ဆန်းစုကြည်ရဲ့ လုပ်ဆောင်မှုတွေဟာ ကျွန်တော်တို့ လူငယ်တွေရဲ့ အနာဂတ်လို့ ယူဆနေကြပါတယ်"
လူငယ် အယ်ဒီတာတစ်ဦး
အခုလို ကြုံတွေ့ရတဲ့နေ့ဟာ မင်္ဂလာရှိသောနေ့ပါပဲ။ ကြိုဆိုပါတယ်။ တစ်မျိုးသားလုံးအတွက် လိုအပ်တဲ့ ပေါင်းကူးတံတားဖြစ်မယ်လို့ ယုံကြည်ပါတယ်။
ဦးမျိုးမင်း CEO - PS Business School
ဘယ်သူမဆို ကျဉ်းထဲကြပ်ထဲ ရောက်နေရာကနေ လွတ်မြောက်လာမယ်ဆိုရင် ၀မ်းသာရမှာပဲ။ မုဒိတာ ပွားရမှာပဲ။ လူတစ်ယောက် ချမ်းသာသုခ ရောက်လာရင် မုဒိတာပွားရမယ်။ ဒါလူသားဝါဒါပါ။ လူသားတွေကို ကောင်းတာတွေ့ရင် ၀မ်းသာစေဖို့၊ မကောင်းတာတွေ့ရင် ခွဲခြားနိုင်စေဖို့ ဦးနှောက်ပေးထားတယ်။ မုဒိတာပွားနိုင်ဖို့ နှလုံးသား ပေးထားတယ်။ ဒီလို ဦးနှောက်နဲ့ နှလုံးသားကို ယှဉ်တွဲ အသုံးချရင် ငြိမ်းချမ်းမှာပဲ။ မေတ္တာထားရင် ငြိမ်းချမ်းမယ်။ မေတ္တာမထားနိုင်ရင် သံသရာရှည်မယ်။
ဦးစိုးညွန့်ဥက္ကဋ္ဌ၊ တော်ဝင်နှင်းဆီဖောင်ဒေးရှင်း
ကျွန်တော်တို့ ဒေါ်အောင်ဆန်းစုကြည် လွတ်မယ်ဆိုတာ သောကြာနေ့ ညနေ ၄ နာရီလောက်ကတည်းက စကြားခဲ့ရပါတယ်။ လွယ်လွယ်ကူကူ ပြောရရင် ၀မ်းသာပါတယ်။ နိုင်ငံတော်ရဲ့ အမျိုးသားပြန်လည်သင့်မြတ်ရေး အခန်းကဏ္ဍမှာ ဒါဟာ ဘေးဖယ်ထားလို့ မရပါဘူး။ မပါမဖြစ် ပါရမယ့် သဘောပါ။ လောလောဆယ်မှာ ရွေးကောက်ပွဲလည်း ပြီးပြီ။ result လည်း ထွက်ပြီးပြီ။ အများစု မျှော်လင့်သလို ဖြစ်ချင်မှလည်း ဖြစ်မယ်။ ဖြစ်ချင်ရင်လည်း ဖြစ်မယ်။ ဒါပေမယ့် ရွေးကောက်ပွဲဆိုတဲ့ တံခါးတစ်ချပ်က ဖွင့်ပြီးပါပြီ။ ပြဿနာတွေကို ကျွန်တော်တို့ မမျှော်လင့်ဘူး။ အမျိုးသားပြန်လည် သင့်မြတ်ရေးအတွက် ဒေါ်အောင်ဆန်းစုကြည်ကို လွှတ်ပေးတာ ကောင်းပါတယ်လို့ မျှော်လင့်ပါတယ်။
ဦးဇော်မင်းထွန်း - မန်နေဂျင်းဒါရိုက်တာ Tip-Top ပညာရေးဝန်ဆောင်မှု ကုမ္ပဏီ
လူထုခေါင်းဆောင် ဒေါ်အောင်ဆန်းစုကြည် လွတ်မြောက်လာတာ အရမ်းဝမ်းသာပါတယ်။ ကျွန်တော်တို့ရဲ့ မျှော်လင့်ချက်တွေ အသက်ဝင်လာပါပြီ။
အသက် (၂၅) နှစ်အရွယ် လူငယ်တစ်ဦး

အခု ဒေါ်အောင်ဆန်းစုကြည် လွတ်မြောက်လာတာဟာ သမားရိုးကျကြည့်ရင်တော့ အရမ်းဝမ်းသာစရာကောင်းပါတယ်။ ဘာပဲပြောပြော မျှော်လင့်ချက်တစ်ခု ရှိလာတာပါ။ ဒါပေမယ့် တော်တော်များများစိုးရိမ်နေတဲ့ အချက်တစ်ခုလည်း ရှိပါသေးတယ်။ နားလည်လက်ခံထားတာက ဆွေးနွေး ညှိနှိုင်းတိုင်ပင်မှု Compromise တစ်ခုတော့လုပ်ရမယ်။ ဥပမာ- Negotiation တစ်ခုလုပ်တယ်ဆိုရင် Zeo Sum Game တစ်ခုတည်းကို ကြည့်လို့မရပါဘူး။ Win Win Situation ဖြစ်ဖို့အရေးကြီးပါတယ်။ ထွက်ပေါက်တစ်ခုတော့ ပေးဖို့လိုအပ်လိမ့်မယ်။ အထူးသဖြင့်တော့ Negotiation ကို ထိပ်တိုက်ရင်ဆိုင်ခြင်း Confrontation နဲ့မသွားမိဖို့လိုပါတယ်။ ဒါကြောင့် ပြောချင်တာက ဒေါ်စုလွတ်လာတဲ့အတွက် အရမ်းကိုဝမ်းသာပါတယ်။ နောက်တစ်ခုပြောချင်တာက သူဟာတကယ်လည်းတော်တဲ့ အမျိုးသမီးတစ်ဦးပါ။ ဒါပေမယ့် ဘေးနားက Influence တွေများနေလို့ Negotiation ဘက်မရောက်ဘဲ Confrontation  ဘက်ရောက်သွားမှာမျိုးဆိုရင်တော့ လူမျိုးအတွက်၊ နိုင်ငံအတွက်ပါအားလုံးပြီးဆုံးသွားပါလိမ့်မယ်။ ဒုံရင်းကဒုံရင်းဆိုတဲ့ အခြေအနေမျိုးပြန်ရောက်သွားပါလိမ့်မယ်။ ဒါကြောင့် Negotiation Skill  မှာကိုယ်အသာစီးရဖို့ထက် သူများကို ဘယ်လိုထွက် ပေါက်ပေးမလဲဆိုတာ စဉ်းစားရပါတယ်။ ဒါနှစ်ဦးနှစ်ဖက်လက်ခံထားရမယ့် သဘောတရားပါ။ အဲဒါဆိုရင်တော့ ဒေါ်အောင်ဆန်းစုကြည်လွတ်မြောက်မှုဟာ တိုင်းပြည်အတွက်ရော လူမျိုးအတွက်ပါပိုပြီး အကျိုးရှိပြီး ပျော်စရာကောင်းပါလိမ့်မယ်။
စီးပွားရေးပညာရှင်တစ်ဦး

ဒီနေ့ ဒေါ်အောင်ဆန်းစုကြည် လွတ်တာကို လာစောင့်ကြည့်ကြတာ လူတော်တော်များတယ် ညနေပိုင်းမှာ ပိုများတယ် အတားအဆီးတွေ ဖယ်လိုက်လို့ ဒေါ်အောင်ဆန်းစုကြည် အိမ်ခြံဝင်ထဲကို ပျော်ပြီးဝင်သွားကြတာ တက္ကသိုလ်ရိပ်သာလမ်း တစ်ခုလုံး လူသောင်းချီရှိတဲ့ လူပင်လယ်ကြီး ဖြစ်သွားတယ်။

ကိုယ်တိုင်သွားရောက်ခဲ့သူ ကိုဇော်လင်း

source/eleven media

.