ခရီးတစ်ခါထွက်ရင် ဘယ်လို ပြင်ဆင်ရတယ်ဆိုတာ မေစု ဟာသလေးနှောပြီး ပြန်ပြောပြ

ခွန် ဒီးယမ်

ခရီးခဏခဏထွက်ရတော့ ခရီးထွက်ခြင်းအပေါ် ဘယ်လို သဘောထား သလဲ ဆိုတာကို သုံးသပ်ကြည့်ပါတယ်။ အဖြေကတော့ သိပ်ကြာကြာ မရှာရပါဘူး။ အလုပ်သဘောနဲ့ ပဲမြင်ပါတယ်။ ခရီးမသွားခင် ပြင်ဆင် ရမဲ့ ကိစ္စတွေ၊ ခရီးသွားစဉ် လိုအပ်တဲ့ ပစ္စည်းတွေ စုဆောင်းရတာတွေ၊ အရေးကြီးဆုံးကတော့ အလုပ်အများဆုံးဖြစ်မြောက်ပြီး လိုအပ်တဲ့ နားချိန်လေးတွေလည်း ရနိုင်မဲ့ အချိန်ဇယားဆွဲဖို့ ပါပဲ။ ဒီလိုအချိန်ဇယား ဆွဲရေးနဲ့  ရုန်းကန်ရဲတဲ့ သူကတော့ ကျွန်မ ကိုယ်ရေးအရာရှိ ဒေါက်တာ တင်မာအောင်ပါပဲ။ တစ်ခါတစ်ခါ သွားမဲ့မြို့ / နိုင်ငံက ပုဂ္ဂိုလ် များ နဲ့  ဒေါက်တာတင်မာအောင် ဆွေးနွေးတာတွေ နားထောင်ရတာ ရယ်စရာ နည်းနည်းကောင်းပါတယ်။ အထူးသဖြင့် ဟိုဘက်က ဆွေးနွေးတဲ့သူက အမျုိးသားဆိုရင် ရယ်ရွှင်စဖွယ်ပါပဲ။ တစ်ခါတစ်ရံ အစီအစဉ် တစ်ခုနဲ့  တစ်ခုအကြားထားပေးတဲ့ အချိန် မလုံလောက်ဘူး ထင်ရင် ဒေါက်တာ တင်မာအောင် ပြောတာတွေ ထဲမှာ “အမျိုးသမီးတွေနဲ့ အမျိုးသားတွေ ရဲ့ လိုအပ်ချက်တွေမတူဘူး။ ရှင်တို့ တွေက အပေါ် အကျီ င်္လေးပြင် ၀တ်လိုက်တာနဲ့ ပြီးတယ်။ ကျွန်မတို့ က ဒီထက် ပိုပြီးအလုပ်ရှုပ်တယ်” စသဖြင့် တစ်ခါတလေ ဒီလိုအငြင်းပွား မှုမျိုးကို အီးမေးလ်နဲ့ တောင် လုပ်နေရတာလေးတွေက ပင်ပန်းတဲ့ အထဲက စိတ်ပေါ့ပါးစရာ ဟာသကွက် ကလေးများ ဖြစ်ရပါတယ်။

ခရီးသွားတဲ့အခါ အရေးအကြီးဆုံး ကတော့ ပီပြင်တဲ့ ကြိုတင်ပြင်ဆင်မှုပါပဲ။ ခရီးသွားခြင်းနဲ့ ပတ်သက်လို့  ကျွန်မရခဲ့ရတဲ့ တန်ဖိုးအထားရဆုံး သင်ခန်းစာ တစ်ခုကတော့ ကြိုတင်ပြင်ဆင်မှုရဲ့ တန်ဖိုးဖြစ်ပါတယ်။ ကျွန်မ တက္က သိုလ်ကျောင်းသူ တစ်ဦးအနေနဲ့ အောက်(စ်)ဖို့  ကို ရောက်သွားတဲ့ အခါက ပထမဦးဆုံးရခဲ့တဲ့ သင်ခန်းစာ တစ်ခုလည်း ဖြစ်ပါတယ်။ လုပ်ကိစ္စတွေ နဲ့ ပတ်သက်လို့ သာ မဟုတ်ပါဘူး။ နိစ္စဓူဝ လူမှုရေး ကိစ္စများတွင် လည်း အရေးပါပါတယ်။ ပထမဦးဆုံးအကြိမ် ကျွန်မနဲ့ သူငယ်ချင်း တစ်ယောက် ပေါင်းပြီး အခြားကျောင်းသူ၊ ကျောင်းသားအချို့ ကို ထမင်းကျွေးဖိတ်တဲ့အခါမှာ ကျွန်မတို့ နှစ်ဦး သေသေချာချာ အစီအစဉ် ဆွဲပြီး လုပ်ကြပါတယ်။

ထမင်းစားဖို့ ဆိုပေမဲ့ အစားအစာတင် မကပါဘူး။ ဘယ်သူတွေကို အတူ ဖိတ်ရင် အားလုံးအတွက် စိတ်ဝင် စားဖွယ်ရာ၊ ပျော်စရာဖြစ်မယ် ဆိုတာတွေ ကိုလည်း ထည့်ပြီးစဉ်းစားရပါတယ်။ အသေအချာ စီစဉ်တဲ့  အတွက်လည်း ကျွန်မတို့ ထမင်းစားပွဲလေးဟာ အောင်အောင်မြင်မြင်နဲ့ အားလုံးအတွက် အမှတ်ရဖွယ် ဖြစ်ခဲ့ပါတယ်။

ဘာမှသိပ်ပြီး အရေးမကြီးလှတဲ့ ကျောင်းသား - ကျောင်းသူများ စုဝေး စားသောက်ပွဲ လေးတောင် အသေအချာ စီစဉ်မှ ရလဒ်ကောင်းနိုင်တယ် ဆိုတာ ကျွန်မစိတ်ထဲမှာ စွဲကျန်ခဲ့ပါတယ်။ ဒါကြောင့် ဘယ်လိုကိစ္စမဆို ကြို တင်ပြင်ဆင်မှု လိုအပ်တယ်ဆိုတာကို လက်ခံယုံကြည်ပါတယ်။ ခရီးမထွက်မီ စီစဉ်ရသည်များ က ပိုမို ပင်ပန်း ပါတယ်။ ဒီဘက်က ထားခဲ့ရမဲ့  အလုပ်တွေလည်း မလစ်ဟင်းရအောင်၊ ဟိုရောက်တော့လည်း တာဝန် ကျေအောင် ၊ ပြန်လာတဲ့အခါမှာလည်း အလုပ်တွေ မနိုင်မနင်း မပုံနေအောင် အဘက်ဘက်ကို တွက်ပြီး လုပ်ရပါတယ်။

ဘ၀ခရီးဆိုတာလည်း ဒီလိုပါပဲလားလို့ တွေးမိပါတယ်။ တစ်နေရာ တစ်ချိန် တည်းအတွက် တွက်ပြီး လုပ်လို့  မရပါလား။ များပြား လှတဲ့ အတွက် အချက်တွေနဲ့ ကိုယ်လိုရာလမ်းကို လွယ်လွယ်နဲ့ မဟုတ်တောင်မှ မှန်မှန် ကန်ကန် လျှောက်သွားနိုင်ဖို့ ပြင်ဆင်ရပါတယ်။

အတွဲ(၁) အမှတ်(၄၃) ဒီလှိုင်းဂျာနယ်ပါ "ဒီစကား" ဆောင်းပါး , Credit to original writer