အမျိုးသားဒီမိုကရေစီအဖွဲ့ချုပ်မှ ရွေးကောက်ပွဲ ဗဟိုအောင်နိုင်ရေးအဖွဲ့ အဖွဲ့ဝင် ၂၁ ဦးဖြင့် ဖွဲ့စည်း

အမျိုးသား ဒီမိုကရေစီအဖွဲ့ချုပ်အနေဖြင့် ရွေးကောက်ပွဲများတွင် ၀င်ရောက်ယှဉ်ပြိုင် အရွေးခံမည့်ကိစ္စနှင့်စပ်လျဉ်း၍ ရွေးကောက်ပွဲ ဗဟိုအောင်နိုင်ရေးအဖွဲ့ကို ၂၀၁၁ ခုနှစ် ဒီဇင်ဘာလ ၅ ရက်နေ့က ဖွဲ့စည်းလိုက်ကြောင်း သိရှိရပါသည်။
အဆိုပါ ဗဟိုအောင်နိုင်ရေးအဖွဲ့တွင် အဖွဲ့ဝင် ၂၁ ဦး ပါဝင်ပြီး ဦးတင်ဦးက တာဝန်ခံအဖြစ် ဆောင်ရွက်မည်ဟု သိရှိရပါသည်။ ကျန်ရှိသော အဖွဲ့ဝင်များမှာ ဒေါ်အောင်ဆန်းစုကြည်၊ ဦးဝင်းတင်၊ ဦးသန်းထွန်း၊ ဦးလှဖေ၊ ဦးညွန့်ဝေ၊ ဦးဥာဏ်ဝင်း၊ ဦးဝင်းမြင့်၊ ဦးအုန်းကြိုင်၊ ဦးဟံသာမြင့်၊ ဦးထွန်းထွန်းဟိန်၊ ဒေါက်တာဒေါ်မေ၀င်းမြင့်၊ ဦးစိုး ၀င်း၊ ဦးဝင်းထိန်၊ ဦးသိန်းဦး၊ ဒေါ်ခင်ဌေးကြွယ်၊ ကိုမျိုးညွန့်၊ မဖြူဖြူသင်း၊ ကိုသိန်းဆွေ၊ ဒေါ်ခင်စောမူနှင့် ဦးစောတင်ဝင်းတို့ဖြစ်ကြကြောင်း သိရှိရပါသည်။  ဗဟိုအောင်နိုင်ရေးအဖွဲ့နှင့်အတူ ကော်မတီငါးရပ်ကိုလည်း ဖွဲ့စည်းလိုက်ကြောင်း သိရပါသည်။ ထိုကော်မတီများမှာ သတင်းပြန်ကြားရေးနှင့် စာစောင်ထုတ်ဝေရေး ကော်မတီ၊ စည်းရုံးလှုံ့ဆော်ရေး ကော်မတီ၊ မဲဆွယ်ဟောပြောရေး ကော်မတီ၊ ဘဏ္ဍာငွေရှာဖွေရေးကော် မတီနှင့် ဥပဒေရေးရာ ကော်မတီတို့  ဖြစ်ကြကြောင်း သိရပါသည်။
ဗဟိုအောင်နိုင်ရေးအဖွဲ့နှင့် ကော်မတီငါးရပ်ကို ဒီဇင်ဘာလ ၅ ရက်နေ့တွင် ပြုလုပ်ခဲ့သော ဗဟိုအလုပ်အမှုဆောင်အဖွဲ့၏ အစည်းအဝေး ဆုံးဖြတ်ချက်အရ ပြုလုပ်ခဲ့ခြင်းဖြစ်ကြောင်း သိရပါသည်။ ဖွဲ့စည်းလိုက်သော ကော်မတီငါးရပ်အပြင်  ရွေးကောက်ပွဲအောင်နိုင်ရေးအတွက် လိုအပ်သော ကော်မတီများကိုလည်း  ဗဟိုအောင်နိုင်ရေးအဖွဲ့က ဆက်လက်ဖွဲ့စည်းသွားမည်ဟု သိရှိရပါသည်။  အမျိုးသားဒီမိုကရေစီအဖွဲ့ချုပ်မှ ဗဟိုအောင်နိုင်ရေးအဖွဲ့ကို ဖွဲ့စည်းလိုက်သည့်နည်းတူ တိုင်းဒေသကြီးနှင့် ပြည်နယ်အလိုက်အောင် နိုင်ရေးအဖွဲ့များ ဖွဲ့စည်းနိုင်ရန်အတွက် ရက်သတ္တပတ် နှစ်ပတ်အတွင်း အဆိုပြုလွှာများ တောင်းခံထားကြောင်း သိရှိရပါသည်။  ထိုအောင်နိုင်ရေးအဖွဲ့များတွင်  အမျိုးသားဒီမိုကရေစီအဖွဲ့ချုပ်မှ ပုဂ္ဂိုလ်များ၊ ပြည်သူတို့၏ ယုံကြည်လေးစားခြင်းခံရသော ပုဂ္ဂိုလ်များ၊ တိုင်းရင်းသားလူမျိုးများ၊ အမျိုးသမီးနှင့် လူငယ်များ၊ အသိပညာရှင်၊ အတတ်ပညာရှင်များ၊ လယ်သမား၊ အလုပ်သမားများ၊ ကုန်သည်စီးပွားပုဂ္ဂိုလ်များ၊ မြို့မိမြို့ဖနှင့် ရပ်မိရပ်ဖများနှင့် နိုင်ငံရေးအစဉ်အလာရှိသူများကို ပါဝင်စေမည်ဟု သိရသည်။  ရွေးကောက်ပွဲတွင် အဖွဲ့ချုပ်မှ အသုံးပြုမည့် ပါတီတံဆိပ်မှာ  အောက်ခံအနီရောင်၊ ကြယ်ဖြူတစ်လုံး၊ ခွပ်ဒေါင်းနှင့် အမျိုးသားဒီမိုကရေစီအဖွဲ့ချုပ်စာတန်းပါ ဒီဇိုင်းဖြစ်ကြောင်း သိရပါသည်။
အမျိုးသားဒီမိုကရေစီအဖွဲ့ချုပ်ကို နိုင်ငံရေးပါတီများ မှတ်ပုံတင်ခြင်း ဥပဒေနှင့်အညီ မှတ်ပုံတင်၍ နောင်လာမည့် ရွေးကောက်ပွဲများတွင် ၀င်ရောက်ယှဉ်ပြိုင် အရွေးခံမည်ဟု နိုဝင်ဘာလ ၁၈ ရက်နေ့က ပြုလုပ်သည့် အမျိုးသားဒီမိုကရေစီအဖွဲ့ချုပ် ဗဟိုဦးစီးအဖွဲ့အစည်းအဝေးက ကန့်ကွက်သူမရှိ တညီတညွတ်တည်း ဆုံးဖြတ်ခဲ့သည်။
ယင်းကဲ့သို့ ဆုံးဖြတ်ခဲ့မှုနှင့်အတူ အမျိုးသားဒီမိုကရေစီအဖွဲ့ချုပ်သည် လာမည့်ကြားဖြတ်ရွေးကောက်ပွဲအတွက် ကျင်းပမည့် လစ်လပ်မဲဆန္ဒနယ်အားလုံးတွင် ၀င်ရောက်ယှဉ်ပြိုင်ရန်ရှိကြောင်း သိရသည်။ အမျိုးသားဒီမိုကရေစီအဖွဲ့ချုပ်မှ ကိုယ်စားလှယ်နှစ်ဦးတို့သည်  ၂၀၁၁ ခုနှစ် နိုဝင်ဘာလ ၂၅ ရက်နေ့တွင် နေပြည်တော်ရှိ ပြည်ထောင်စု ရွေးကောက်ပွဲကော်မရှင်သို့ သွားရောက်၍ နိုင်ငံရေးပါတီ တည်ထောင်လိုကြောင်း လျှောက်ထားခဲ့ပြီး ယင်းကဲ့သို့ လျှောက်ထားခြင်းအား ကော်မရှင်က လက်ခံလိုက်ပြီဖြစ်သည်။
လျောက်ထားရာတွင် ဦးတင်ဦးအပါအ၀င် ပုဂ္ဂိုလ် ၂၁ ဦးက အမျိုးသားဒီမိုကရေစီအဖွဲ့ချုပ်ပါတီကို တည်ထောင်လိုကြောင်း လျှောက်ထားခဲ့ခြင်းဖြစ်ပြီး ယင်းလျှောက်ထားချက်နှင့်ပတ်သက်ပြီး ပါတီတည်ထောင်လိုသူ ပုဂ္ဂိုလ်များသည် နိုင်ငံ ရေးပါတီများ မှတ်ပုံတင်ခြင်း ဥပဒေ ပုဒ်မ ၄ နှင့် ပုဒ်မ ၆ ပါ ပြဋ္ဌာန်းချက်များနှင့် ညီညွတ်မှု ရှိ၊ မရှိ စိစစ် ပေးနိုင်ရေးအတွက် ပြည်ထောင်စု ရွေးကောက်ပွဲကော်မရှင်က သက် ဆိုင်ရာဝန်ကြီးဌာနများထံ မေတ္တာ ရပ်ခံ ညှိနှိုင်းထားကြောင်း ထုတ်ပြန် ချက်အရ သိရသည်။
၁၉၉၀ ပြည့်နှစ် မေလ ၂၇ ရက်နေ့တွင် ပြုလုပ်ခဲ့သော ရွေး ကောက်ပွဲ၌ မဲအပြတ်အသတ်ဖြင့် အနိုင်ရရှိခဲ့သော အမျိုးသားဒီမိုကရေစီအဖွဲ့ချုပ်သည် နိုင်ငံရေးပါတီများ မှတ်ပုံတင်ခြင်းဥပဒေနှင့်အညီ ၁၉၈၈ ခုနှစ် စက်တင်ဘာလ ၂၇ ရက်နေ့တွင် မှတ်ပုံတင်တည်ထောင် ခဲ့သော ပါတီဖြစ်သည်။ သို့သော် ယခင်အစိုးရလက်ထက် ၂၀၁၀ ပြည့်နှစ်မတ်လ ၈ ရက်နေ့က ထုတ်ပြန်ခဲ့သော နိုင်ငံရေးပါတီများ မှတ်ပုံတင်ခြင်းဥပဒေအရ ရက်ပေါင်း ၆၀ အတွင်း ပြည်ထောင်စု ရွေးကောက်ပွဲကော်မရှင်သို့ ထပ်မံမှတ်ပုံတင်ရမည်ဖြစ်သော်လည်း ကန့်သတ်ချက်များ ကြောင့် ၂၀၁၀ ပြည့်နှစ် မတ်လ ၂၉ ရက်နေ့တွင်ပြုလုပ်ခဲ့သည့် အမျိုးသားဒီမိုကရေစီအဖွဲ့ချုပ် ဗဟိုဦးစီးအဖွဲ့အစည်းအဝေးက အမျိုးသားဒီမိုကရေစီအဖွဲ့ချုပ်ကို ထပ်မံမှတ်ပုံမတင်ရန် ဆုံးဖြတ်ခဲ့ကြောင်း သိရသည်။

သတင်း။ ။အလဲဘမ်းမီဒီယာ

.
.