ငွေပေးချေမှုများနှင့် ငွေကြေးလည်ပတ် စီးဆင်းမှုအတွက် အထူးအဆင်ပြေ ချောမွေ့စေရန် နိုင်ငံတကာနှင့် တန်းတူ အကြွေးဝယ်ကတ် (Credit Card) များကို ပြည်တွင်း ဘဏ်များ အားလုံး၌ လုပ်ခွင့် ပေးတော့မည် ဖြစ်ကြောင်း သတင်းရရှိသည်။
လက်ရှိ ပြည်တွင်း၌ ပုဂ္ဂလိက ဘဏ် ၁၉ ခု ရှိပြီး အဆိုပါ ဘဏ်များအားလုံး အကြွေးဝယ်ကတ် ထုတ်ဝေသုံးစွဲခွင့်ကို ဘဏ္ဍာရေးနှင့် အခွန်ဝန်ကြီးဌာနမှ ခွင့်ပြုချက် ပေးလိုက်ကြောင်း၊ မကြာခင် စတင် အသုံးပြုနိုင်တော့မည် ဖြစ်ကြောင်း၊ ကတ်များကို နိုင်ငံတကာ အဆင့်မီ လုပ်မည်ဟု ကြားသိရကြောင်း၊ အကြွေးဝယ်ကတ်စနစ် လည်ပတ်ရေးနှင့် စပ်လျဉ်း၍ ကျွမ်းကျင်ဝန်ထမ်းများ ထပ်ခေါ်ရန်၊ တာဝန်လွှဲမည့် ၀န်ထမ်းများကို လေ့ကျင့်သင်ကြားပေးရန် စတင်စီစဉ်နေပြီ ဖြစ်ကြောင်း သင်္ဃန်းကျွန်းမြို့နယ် ပုဂ္ဂလိက ဘဏ်ခွဲတစ်ခု၌ တာဝန်ထမ်းဆောင်နေသူ ကမာရွတ်မြို့နယ်နေ ၀န်ထမ်းတစ်ဦးက mmDailyNews ကို ပြောပြခဲ့သည်။
ထိုသို့ Credit Card များ တွင်ကျယ်လာပါက ငွေလည်ပတ် သုံးစွဲမှုကို များစွာ အထောက်အကူ ပြုမည် ဖြစ်သလို လတ်တလော ကြုံတွေ့နေရသည့် ငွေအကြွေ ရှားပါးမှု ပြဿနာများကို ဖြေရှင်းပြီးသား ဖြစ်သွားမည်ဟု ရန်ကုန်မြို့ခံ တစ်ဦးက ဆိုသည်။ ထို့အတူ အွန်လိုင်းပေါ်မှ ငွေပေးချေခြင်း ပြုလုပ်နိုင်မည် ဖြစ်၍ စီးပွားရေး လုပ်ငန်းများ၊ ပစ္စည်းရောင်း/၀ယ်လိုသူ များအတွက်လည်း အထူးအဆင်ပြေမည်ဟု အွန်လိုင်းဝန်ဆောင်မှု စီးပွားရေးလုပ်ငန်း လုပ်ကိုင်သူ လူငယ်တစ်ဦးက ပြောကြားခဲ့သည်။
မြန်မာနိုင်ငံတွင် ပုဂ္ဂလိကဘဏ်များ တည်ထောင်ခွင့်ကို နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့လက်ထက် ၁၉၉၀ ခုနှစ်က စတင် ချပေးခဲ့ခြင်း ဖြစ်ပြီး လက်ရှိ၌ ပုဂ္ဂလိကဘဏ် ၁၉ ဘဏ်၏ ဘဏ်ခွဲပေါင်း ၂၄၀ ခန့် ရှိကြောင်း သိရသည်။
.
0 comments:
Post a Comment